________________
નશાસન અને બાળદીક્ષા
બાળદીક્ષા એ અપવાદમાર્ગ નથી જ સભા : આજે તો દીક્ષાના વિરોધીઓ પણ પોતાને સુશ્રાવકો અને પોતાના ટોળાને પચીસમાં તીર્થકરસ્વરૂપ શ્રીસંઘ માનવાનું કહે
પૂજયશ્રી : દીક્ષાનો વિરોધી હોય એ તો શ્રાવક જ નથી. એવાઓના ટોળાને પચીસમાં તીર્થકર સ્વરૂપ શ્રીસંઘ તે જ માને, કે જે પોતે પણ મિથ્યાત્વથી ઘેરાયેલા હોય. દીક્ષાની ભાવના શ્રાવકપણાની સાથે જડાયેલી જ છે, અને એથી એવી સારી ચીજ વહેલી ન લેવાય તો શ્રાવક પોતાને ઠગાયેલા માને, એમાં નવાઈ નથી. જે વસ્તુ એકાન્ત કલ્યાણકારી છે તે તો જેમ બને તેમ વહેલી પામવાની જ ભાવના હોય. પોતાનાથી ન જ પમાય તોય બીજાઓને બાળવયે પામતા જોઈ આનંદ આવે. યોગ્ય ગુરુના હાથે અધિકારીને બાળવયે અપાતી દીક્ષામાં આડે આવનારાઓ અને એ માટે ખોટો પ્રચાર કરીને રાજ્ય દ્વારા અટકાયત કરવાનો પ્રયત્ન કરનારાઓ જૈન કુળમાં પાકેલા ભયંકરમાં ભયંકર પાપાત્માઓ છે; અને જે વેષધારીઓ એવાઓને ઉત્તેજન આપે છે, તેવા જીવોને માટે તો કહેવું જ શું? બાળદીક્ષા એ અપવાદમાર્ગ નથી, પણ એવો માર્ગ છે કે જે માર્ગે નહિ જઈ શકનારા સુશ્રાવકો અફસોસ જ કરે અને પોતે બાળપણમાં દીક્ષા ન પામી શક્યા, એને પોતાની કમનસીબી માને. “જન્મથી કે ગર્ભથી આઠ વર્ષ અને તે પછી થનારી દીક્ષાને વયની અપેક્ષાએ અપવાદમાર્ગની દીક્ષા કહેનારા અજ્ઞાન છે.”
જૈનશાસન અને બળદીક્ષ...૭
૧૧૭
