________________
ભગવાને કર્યું તે નહ કહ્યું તે કરવાનું
૧૧
..
‘ભગવાન શ્રી મહાવીરદેવે માતાપિતાના જીવતાં દીક્ષા ન લેવાનો અભિગ્રહ કર્યો' આ પ્રસંગને પ્રધાન બનાવી આજે ઘણા સુધારકો ‘નાની વયમાં દીક્ષા લેવાય જ નહીં, ''એવી વાતો ફેલાવે છે. તે અંગે શાસ્ત્ર સ્પષ્ટ કહ્યું છે કે ભવ્ય એવા પણ ધર્મના અધિકારીએ પ્રભુએ કહ્યું તે કરવાનું છે, પણ કર્યું છે તે નહીં. આ વાતને વર્ણવતાં સમર્થ પ્રવચનકાર પરમગુરુદેવશ્રીજી દ્વારા શ્રી ઋષભદેવજીની દીક્ષા પછી મરુદેવા માતાનો રાગના કારણે એક હજાર વર્ષનાં રુદનનો પ્રસંગ લેવાયો છે. તેમજ શ્રી ધન્નાશાલિભદ્રજીનો પ્રતિબોધ અને દીક્ષાનો પ્રસંગ વર્ણવાયો છે. આ પ્રકરણમાં છેલ્લે વિરક્ત શ્રી ભરતજી શ્રી સીતાદેવી આદિના આગ્રહથી જલક્રીડા કરે છે, ત્યારે ત્યાં ભુવનાલંકાર હાથીના સ્થંભનની આશ્ચર્યજનક ઘટના બને છે. તેથી શ્રી રામચન્દ્રજી આદિ વિચારમગ્ન બને છે ને કેવળજ્ઞાની શ્રી દેશભૂષણ અને શ્રી કુલભૂષણ નામે મહાત્માઓની પધરામણીના સમાચાર મળતાં પ્રસન્નતાપૂર્વક તેઓશ્રી પાસે જાય છે વિગેરે ઘટનાઓ આ પ્રકરણમાં
ઉપલબ્ધ છે.
-શ્રી
૨૫૧
