________________
૩૦૦ માર્ગમાં તેને શ્રી અભિનંદન નામના અવધિજ્ઞાની મુનિવરનો મેળાપ થયો. તે મહાત્માએ કુલંકર રાજાને કહ્યું કે, ‘હે રાજન્ ! તું જે તાપસની પાસે જઈ રહ્યો છે, તે તાપસ પંચાગ્નિ તપ તપી રહ્યો છે. ત્યાં બાળવાને માટે લાવવામાં આવેલા એક કાષ્ઠમાં સર્પ રહેલો છે. તે સર્પનો જીવ તે જ છે, કે જે પૂર્વભવમાં તારા પિતામહ ક્ષેમંકરનો જીવ હતો. આથી તે લાકડાને ચીરાવીને, તે સર્પને યત્નપૂર્વક બહાર કઢાવીને, તું એની રક્ષા કર !' મુનિવરના મુખેથી આ વાત સાંભળતાં જ રાજા આકુળ-વ્યાકુળ થઈ ગયો અને તત્કાલ તાપસાશ્રમમાં પહોંચીને વિના વિલંબે તેણે લાકડું ફડાવી નાખ્યું. મુનિવરે કહ્યા મુજબ તેમાં રહેલા સર્પને જોઈને તે અત્યન્ત વિસ્મય પામ્યો. વિસ્મય પામ્યો એટલું જ નહીં, પણ વૈરાગ્ય પામ્યો અને દીક્ષા લેવાની તેનામાં ઇચ્છા જન્મી.
ec 2009e006)
કુલંકર રાજાને વૈરાગ્ય આવ્યો પણ આ બધું સાંભળીને તમને શું થાય છે ? સભા : એકદમ વૈરાગ્ય આવી જવાનું અને દીક્ષા લેવાની ઇચ્છા થવાનું કારણ શું ? મુનિવરે કાંઈ ઉપદેશ તો દીધો નહોતો !
:
પૂજ્યશ્રી વૈરાગ્ય આવવાનું કારણ ખુલ્લું જ છે. પોતાના જ દાદાનો જીવ મરીને સર્પ થયો છે, તો પોતાની શી હાલત થશે એવો વિચાર ન આવે? વૈરાગ્ય ઉત્પન્ન થવાને માટે આ સામાન્ય કારણ છે? નહિ જ ! રાજા મિથ્યાદૃષ્ટિ છે, જૈન ધર્મથી અપરિચિત છે. છતાં પણ દાદાની દશા જોઈને એને પોતાનો વિચાર આવે છે. પણ આ વૃત્તાંત સાંભળીને તમને શો વિચાર આવે છે. એ તો કહો. મિથ્યાત્વમાં પડેલા પણ રાજાને દાદાની દશા જોઈને દિક્ષિત બનવાની ભાવના થાય છે. જ્યારે ‘ભગવાનના શાસન ઉપર અમને પૂરેપૂરી શ્રદ્ધા છે' એમ બોલનારાઓને આવા આવા પ્રસંગો સાંભળતાં પણ વૈરાગ્યભાવના ન જાગે, તો શું માનવું ? શ્રી જિનશાસન એટલે શ્રી વીતરાગ પરમાત્માનું શાસન અને શ્રી જ્વિશાસનના આરાધકો એટલે વિરાગી આત્માઓ, આ માનો છે ?
