________________
શિયાળ અયોધ્યભાગ-૫
૧૩૦ મક્કમતા અને ચઢતી કળા દેખાશે, એટલે આપોઆપ મુડદાલ જેવી
બની જશે. ચાર ઘાતી કર્મોનો જેણે નાશ કર્યો, તેને ચાર અઘાતી કર્મો શું કરી શકે છે? અઘાતી કર્મો ગયા પછી કર્મસત્તા એવી પાંગળી બની જાય છે કે પછી તે આત્માની સામે પહેલાં જેવી આડાઈ કરી શક્તી નથી. અઘાતી કર્મોમાં આઘાત સામે પ્રત્યાઘાત કરવાની તાકાત રહેતી નથી. આમ છતાં પણ એ અઘાતી કર્મોનો નાશ પણ જરૂરી છે, કારણકે એ અઘાતી કર્મોનો પણ આત્મા નાશ કરે ત્યારે જ આત્મા પોતાની સઘળી ય સંપત્તિનો સંપૂર્ણ માલિક બન્યો કહેવાય છે.
આત્માની શક્તિને પ્રગટાવવા પ્રયત્ન કરો એ વિના આજે હું અનંતી શક્તિનો ધણી છું. એમ બોલ્યા કરવું અને કરવું કંઈ નહિ, એટલે અનંતી શક્તિ મળી જશે, એમ? અનંતી શક્તિ તમારી છે, પણ તમે વર્તમાનમાં કેવા છો ? આત્મામાં સત્તાગત અનંતી શક્તિ છે એનો ખ્યાલ છે એ ઠીક છે, પણ આ ખ્યાલની ખરી સફળતા ત્યારે જ ગણાય, કે જ્યારે આત્મા એ સત્તાગત શક્તિને પ્રગટાવવાને માટે જ્ઞાનીઓએ દર્શાવેલા માર્ગે ઉદ્યમશીલ બને ! અનંતી શક્તિ માનીને, તે પ્રગટાવવા તરફ બેદરકાર બનનારાઓ તો પામર જ બન્યા રહે છે. અનંતી શક્તિ ત્યારે જ પ્રગટવાની, કે જ્યારે એ બેદરકારી ટળશે અને જ્ઞાનીઓની આજ્ઞા મુજબ એવો ઉદ્યમ ખેડાશે કે જેથી પરિણામે કર્મના આવરણ જેવું કંઈ રહેશે નહિ ! એ માટે કર્મસત્તા તરફ વધારેમાં વધારે રોષ કેળવવો જોઈએ અને કર્મસત્તાના આવરણને દૂર કરવાનો માર્ગ દર્શાવનાર, એ માર્ગે જવાની પ્રેરણા કરનાર અને એ માર્ગે જવામાં સહાય કરનાર, એ વગેરે ઉપર ખૂબ ખૂબ રાગ કેળવવો જોઈએ.
સભા રાગ અને દ્વેષ નાબુદ કરવાના કે કેળવવાના? આ તો વિપરિત વાત ગણાય.
પૂજ્યશ્રી : આ વાત વિપરીત લાગે એજ આત્માની વિપરીતતા છે. રાગ અને દ્વેષને નાબૂદ કરનારા રાગ-દ્વેષ એવા કેળવવાના, કે જેના યોગે આત્મા વહેલામાં વહેલો કર્મસત્તાથી મુક્ત બને. આત્મા, આત્માના ગુણો અને આત્માના ગુણોને ખીલવનારી સામગ્રી ઉપર
