________________
શિરોમણિ આચાર્ય ભગવાન શ્રીમદ્ હરિભદ્રસૂરીશ્વરજી મહારાજ જેવાઓએ પણ એ જ સ્પષ્ટપણે ફરમાવ્યું છે કે “ઘ0»ો માળા &િવદ્ધો ' ધર્મ શ્રી જિનાજ્ઞાથી પ્રતિબદ્ધ છે.' શ્રી જિનેશ્વરદેવની આજ્ઞાની આરાધના જેવું કોઈ
કલ્યાણકર નથી આથી સમજો કે પ્રશંસનીય કાર્ય તે જ છે કે જે આત્માને લાભ કરનારૂં હોય. અને કોઈપણ રીતે કરવું જોઇએ એનો અર્થ એ જ છે કે “ધર્મપ્રરૂપકની આજ્ઞાને સમજીને તે આજ્ઞાને બાધા ન પહોંચે એ રીતે, કહો કે આજ્ઞાનુસારી રીતે કરવું જોઈએ.’ આજે આજ્ઞાનું બંધન પાલવતું નથી, કારણકે સ્વેચ્છાચાર છોડવો નથી. મગજમાં જે ભૂસું ભરાયું તે ભરાયું, પછી પોતાના મતને યોગ્ય ઠરાવવા શાસ્ત્રનાં સિદ્ધાંતોનો પણ અવસરે અપલાપ કરતાં શરમ નહિ. આ દશા આજે કેટલાકોની થઈ પડી છે અને એથી જ વાતાવરણ ડહોળાયું છે. ‘કોઈપણ રીતે' એટલે 'જ્ઞાનીઓએ ફરમાવેલી રીત' આ વાત ન ભૂલતા; કારણકે આજ્ઞાની આરાધનાથી જેવું લ્યાણ સધાય છે તેવું કલ્યાણ બીજાથી સધાતું નથી, અને એ જ રીતે આજ્ઞાની વિરાધનાથી જેવું અકલ્યાણ થાય છે તેવું અકલ્યાણ પણ બીજાથી થતું નથી. આજ્ઞાની આરાધના એકાન્ત શ્રેય કરનારી છે અને આજ્ઞાની વિરાધના એકાત્તે અશ્રેય કરનારી છે; માટે વિરાધના ન થાય તેનો તો ખાસ ખ્યાલ રાખવો.
શ્રીભરતજી હવે પ્રસંગ પામીને થોડીક હિતશિક્ષા આપવાનું પણ ચૂક્તા નથી. શ્રીભરતજીએ સુભટોને જવાબ આપતાં એ વાત પણ કહી છે કે વિષય પ્રેમથી પાછા નહિ ફરેલા અને બંધવસ્નેહથી બંધાયેલા વદ આદિ ઘણા રાજાઓ કાળે કરીને અધોગતિમાં ગયા. અગ્નિમાં ગમે તેટલું બળતણ નાખવામાં આવે તો પણ અગ્નિ જેમ તૃપ્ત થતો નથી, અને સાગરમાં ગમે તેટલી નદીઓ આવી મળે તો પણ સાગર જેમ તૃપ્તિને પામતો નથી, તેમ મોટા કામભાગોમાં પણ જીવ તૃપ્તિને પામતો નથી.'
તલપાત્ર ધારક-શ્રેષ્ઠીપુત્ર.૯
૨૨૫
