________________
૩)
ઓશીયાળી અયોધ્યભ૮૮-૫,
તમારે માત્ર સાધુ-સાધ્વીઓનો જ સત્કાર કરવાનો છે એમ નથી. શ્રાવક-શ્રાવિકાની પણ સત્કાર આદિથી ભક્તિ કરવી જોઈએ. તપસ્વી, પૌષધાદિ કરનારાં, વ્રત-નિયમમાં જોડાયેલાં શ્રાવકશ્રાવિકાની પણ એવા ઉત્તમ પ્રકારે ભક્તિ કરવી જોઈએ કે જેથી જોનારને એમ થાય કે આનાથી તપ વગેરે નથી થતું છતાં પણ તપ વગેરે તરફ કેટલો બધો પ્રેમ છે? છતી શક્તિએ ધર્માત્માઓની ઉપેક્ષા એ ધર્મ પ્રત્યેની બેદરકારી સૂચવે છે. અવસરે મિત્રને હાલો હાલો ન પવાય તો ત્યાં મિત્રને અપમાન લાગે એમ માનો છો અને એથી રાત્રિભોજનનો દોષ વહોરીને પણ કેટલાકો પાય છે; એ આત્માઓ ધર્મી ગણાતા હોય, ધર્મી ગણાવવામાં પોતે રાજી હોય છતાં છતી શક્તિએ તપસ્વીઓની ભક્તિની વાત આવે ત્યારે શક્તિ નથી એમ કહી દે છે તે ઉચિત નથી. ધર્માત્માઓની સ્વાગત-સત્કાર આદિરૂપ ભક્તિ, શક્તિ અનુસાર કરવી જ જોઈએ એ વાત આજે ધર્મી ગણાતા પણ કેટલાકોના હૈયામાં જેવી જોઈએ એવી જચેલી નથી. શક્તિસંપન્ન અને ઘેર આવેલ સાધર્મિક અવસરે જમ્યા વિના જઈ શકે ? વિપત્તિમાં આવી પડેલો સાધર્મિક, ધર્મી શક્તિસંપન્ન અને શ્રદ્ધાવાનને ઘેરથી આશ્વાસન પામ્યા વિના જાય ? પોતાનો સાધર્મિક અવસરે જમ્યા વિના કે આશ્વાસન પામ્યા વિના જાય એ ધર્મી આત્માથી સહાય નહિ એવી જૈનશાસનની અનાદિકાળની નીતિ છે; અને પુણ્યપુરૂષોએ એ નીતિને અખંડ રીતે જાળવી છે.
ધર્માત્માઓમાં પરસ્પર અનુમોદવાનો
ભાવ હોવો જોઈએ ધર્મી પોતે પોતાની ભક્તિ થાય એમ ઈચ્છે નહિ. ધર્મી તો ભક્તિ કરનારની અનુમોદના કરે. ભક્તિ કરનાર સામાની ધર્મક્રિયા આદિની પ્રશંસા કરતો જાય, ‘ભક્તિ કરતો જાય અને ભક્તિ કરવાની આવી સુંદર તક મળી તે મારો પરમ ભાગ્યોદય' એમ માનીને હૃદયમાં ખૂબ આનંદ પામતો જાય. બીજી તરફ જેની ભક્તિ થઈ રહી હોય તે ધર્મી પણ ભક્તિ કરનારની પ્રશંસા અને અનુમોદના કરતો જાય. ભક્તિમાં કયાં ખામી છે તે એ ન જુએ, ભક્તિ કરવામાં રહેલી કમીનાનો એને વિચાર પણ ન આવે, પણ એને એમ થાય કે ધન્ય છે
