________________
૩૪
ભાગ-૫
*Trees 2000)G*
સભાઃ સૌને સેવ્ય બનવાની જ ઇચ્છા હોય, સેવક બનવા કોણ ઇચ્છે ?
પૂજ્યશ્રી : પણ સેવ્ય બનવું હોય તો સેવક બન્યે જ છૂટકો છે. સેવક બન્યા વિના સેવ્ય નહિ બનાય. સેવ્ય સ્થાને પહોંચવાની ઇચ્છા હોવી જોઈએ, પણ સેવ્ય બની સૌની સેવા લેવાની લાલસા નહિ હોવી જોઈએ. સેવ્ય સ્થાને પહોંચવાની ઇચ્છા એ ઉત્તમતા પ્રાપ્ત કરવાની ઇચ્છા છે, જ્યારે સેવ્ય બની સેવા લેવાની ઇચ્છા એ અધમ લાલસા છે. એ અધમ લાલસા બની રહે ત્યાં સુધી સેવ્યપણું દૂર જ ભાગતું ફરે.
શ્રી અરિહંત બનવાની અભિલાષા થઈ શકે, એ અભિલાષાને જરૂર વખાણાય, પણ સમવસરણમાં બેસવાની, દેવતાઓ પાસે સેવા કરાવવાની અને લોકમાં પૂજાવા આદિની લાલસા ન જોઈએ. એ લાલસા અધમ છે. સેવ્ય બનવાની ઇચ્છા ખૂબ કેળવો, સેવ્ય બનવાની ઇચ્છાનું ખૂબ જ્તન કરો, સેવ્ય બનવાને માટે જીવનમાં થઈ શકે તેટલો બધો પરિશ્રમ કરવાને ચૂકો નહિ, પણ સેવા લેવાની લાલસા અંતરના એક ખૂણામાંય ન આવી જાય, એની કાળજી પૂરેપૂરી રાખજો ! સેવ્ય બનવાનું તે સેવા લેવા માટે નહિ. સેવા મળી જાય એની ચિંતા નહિ, પણ સેવા કરાવવાના ફાંફાં તમે ન મારો. સેવા કરાવવાના ફાંફાં મારનારા, સેવ્ય બની શક્યા ય નથી અને બની શકશે પણ નહિ.
સેવ્ય બનવાને માટે સેવા લેવાની લાલસાને જેમ ત્યજવી જોઈએ, તેમ ઉત્તમમાં ઉત્તમ કોટિનો સેવકભાવ પણ કેળવવો જોઈએ. સાચો સેવકભાવ સેવ્યભાવને પેદા કરે છે, પણ સેવક કોના બનવાનું ? તે નક્કી કરતાં વિવેક રાખજો. સેવક તેના જ બનવું કે જેની સેવા કરવાથી સેવ્ય બનાય. સેવ્યની સેવા વિના સેવ્ય બનાય નહિ. સેવ્ય કોણ ? રાગ અને દ્વેષથી મૂકાયેલા અનંતજ્ઞાનને પામેલા અને જગતને મોક્ષમાર્ગ દર્શાવનારા પરમાત્મા પહેલે નંબરે સેવ્ય છે. શ્રી સિદ્ધિપદને પામેલા અને આત્મસ્વભાવમાં રહેનારા પણ દેવતત્ત્વમાં જ ગણાય છે. બીજા નંબરે સેવ્ય ગુરુ. પહેલા દેવ અને
