________________
૦ ૦
સમરું પલપલ રાવત નામ –
વીરતાપ્રેરક રમતો અને શસ્ત્રલેખન – આ બધું તો તેના નિત્યક્રમમાં હતું જ; પરંતુ તેના ચિત્તને એક કાર્ય વિશેષે ભાવતું જિનમંદિરોની પૂજાભક્તિ. આ કાર્યને તે હમેશાં અગ્રિમતા આપતો; બલ્ક એ કાર્યનો અવસર મળે, તો બાકીની બધી ચર્યા આપમેળે ગૌણ બની જતી.
સાધુજનોના સમાગમના પ્રતાપે એક વાત તેના હૃદયમાં દઢપણે ઠસી ગઈ હતી. મને આ જન્મમાં જે વૈભવ અને સત્તા મળ્યાં છે, ચક્રવર્તી રાજાના પુત્ર થવાનું સૌભાગ્ય મળ્યું છે, તે બધું શ્રી જિનેશ્વરના અનુગ્રહનું જ પરિણામ છે.
મૂળે પુયાઈ વિશેષ, ને અશુભકર્મો તેમજ કર્મજન્ય ફ્લેશકષાયો ઉપશાન્ત, તેથી તેને સારી વાત ને સારાં કાર્યો પર સવિશેષ શ્રદ્ધા જન્મતી. શ્રાવકોનો સત્સંગ તે સદા કર્યા કરતો. તેઓ પાસે વ્રતપાલનની ને ધમચરણની ઝીણી ઝીણી સમજણ મેળવવા તે સતત સતર્ક રહેતો.
પરિણામે નિત્ય નવલી રીતની અષ્ટપ્રકારી જિનપૂજા અને પ્રતિદિન ત્રણ વેળાએ જિનવંદનએ તેની દિનચર્યાનું અવિભાજ્ય અંગ બની ગયાં હતાં. ચૈત્ય-ભુવનમાં જો સાધુભગવંતનો યોગ હોય તો તેમનાં વંદન ને તેમની પાસે ધર્મશ્રવણ એ પણ તેને માટે આવશ્યક કૃત્ય બની ગયેલાં.
પાછો શોખ કેવો! રોજ જુદાજુદા એકેક જિનાલયે જવાનું. ત્યાં પરમાત્માની પૂજા તથા ભક્તિ કરવાની. એ રીતે નગરનાં તમામ જિનાલયોને તે ક્રમશઃ સતત જુહારતો રહેતો.
ક્યારેક પરગામના કે કોઈ નજીકના નગરના શ્રાવકો તેની આવી ધર્મભાવનાથી પ્રભાવિત થઈ પોતાના ત્યાં જિનાલયે થતા ઉત્સવાદિ વિશેષ પ્રસંગોએ નોતરે, તો તે પિતાની અનુજ્ઞા મેળવીને ત્યાં પહોંચી જતો, અને શ્રાવક-સમુદાય સાથે એકરસ બની જઈ પરમાત્માની ઉપાસનામાં જોડાઈ જતો.
ટૂંકમાં કહી શકાય કે રાજકુમાર બલ્લે યુવરાજપદે આરૂઢ હોવા છતાં અને ચક્રવર્તીના પાટવીકુંવરના દાવે ભાવી રાજવી હોવા છતાં | તેના હૃદયમાં ધર્મની લેશ્યા અતિ ઉત્તમ પ્રકારની વર્તતી હતી. અને |
Jain Education International
For Private & Personal Use Only
www.jainelibrary.org
