________________
– ૯૨ -
સમરું પલપલ રાવત નામ
–
કૃપાનો પ્રભાવ છે; તે સિવાય આમ ન બને.
તો કુમાર વીરસેને પણ પોતાના અનુચરો મારફતે સહુ સામંતોને સંદેશો મોકલી આપ્યો કે, સિંધુવીર રાજાના બે દીકરા અમે છીએ તે તમે જાણો છો. પાટવીકુંવર જ હમેશાં રાજ્યનો અધિકારી ગણાય તે રાજનીતિ છે; ને વળી મને અન્યાય થયો છે તે પણ તમારાથી અજાણ્યું નથી. વધુમાં, સમ્રાટ વજનાભિએ મને સુષેણ દેશને હસ્તગત કરવાનો આજ્ઞાપત્ર આપ્યો છે, અને તેના આધારે હું સિંધર્ષણ સામે ચડાઈ લઈને નીકળ્યો છું.
હવે તમારામાંથી જેને મારા તરફ પક્ષપાત થતો હોય તે પોતાના સૈન્ય સાથે મારી સાથે થાય તેવી મારી ઇચ્છા તથા આજ્ઞા છે. અને જેમને સિંધુષણ તરફ લાગણી થતી હોય તેઓ તેની પાસે જાય, ને પછી યુદ્ધ માટે સજ્જ થઈને મારી સામે આવી જાય. જેને જે ઉચિત લાગે તે કરી શકે છે. પણ હવે નિર્ણાયક ઘડી આવી લાગી છે, બેસી રહેશો તે નહિ ચાલે.
કુમારનો સંદેશો મળતાં જ લગભગ તમામ સામંતો ને માંડલિકોએ પોતાના સૈન્યનો એક હિસ્સો, પોતાના ભાઈ, પુત્ર કે ભત્રીજાના નેતૃત્વ હેઠળ કુમાર પાસે પાઠવવા માંડ્યો, ને કહાવ્યું કે અનુકૂળ સમયે અમે સ્વયં આપને આવી મળીશું; અત્યારે અમારે યૂહાત્મક વલણ લેવાનું રહે છે, જેથી સિંધુષણ તરફથી અમને કોઈ રંજાડ ન થાય; બાકી અમે આપની સાથે જ છીએ ને હોઈશું તે નક્કી માનજો.
વજકુંડલે દરમ્યાનગીરી કરતાં પૂછ્યું : પણ આટલા બધા સૈન્યના નિભાવનું શું? વીરસેન પાસે ધન તો ઝાઝું છે નહિ, તે આ બધાને કઈ રીતે સાચવશે?
માધવે તેનો ખુલાસો કરતાં કહ્યું કુમારશ્રી! આપની કૃપાથી તે સમસ્યા હવે ઘણી હળવી થતી જાય છે. જે જે ઠાકોરોએ મદદ મોકલી તે તમામે આર્થિક સહાય પણ મોકલી છે કે મોકલી રહ્યા
છે. તો કુમારના મિત્ર શ્રેષ્ઠી પ્રિયમિત્ર પણ અમને લાખો મુદ્રાની | સહાય આપતાં રહે છે. બીજી બાજુ, નિત્ય વૃદ્ધિ પામતા કુમારના
Jain Education International
For Private & Personal Use Only
www.jainelibrary.org
