________________
૧૪૪ ૨ સમરું પલપલ સુવ્રત નામ
આપવામાં આવ્યાં. છેવટે રાજાએ નેત્રસંશા દ્વારા કરેલી સૂચનાથી કુમારે ગુરુજી તથા સમગ્ર વિદ્યાર્થીગણને કપૂર અને તેવાં સુગંધી દ્રવ્યોથી મઘમઘતાં પાનબીડાં અર્પણ કર્યાં.
આ સાથે જ ઉપચારવિધિ સમાપ્ત થયો. અને કુમારે ઉપાધ્યાયની આશાથી તેમની ડાબી બાજુએ આસન ગ્રહણ કર્યું. સૌ પ્રસન્ન હતાં. સૌ આતુર હતાં. સૌને હૈયે નવા નિશાળિયાને વધાવવાની હોંશ હતી.
રાજાએ આ પારખ્યું, અને તેણે વિનયપૂર્વક ઉપાધ્યાયને પોતાનું નિવેદન કરતાં કહ્યું : અમારો લાડલો કુમાર શ્રીવર્ગ અમે આજે આપને સોંપીએ છીએ, ભૂદેવ! હવે આપે તેને ભણાવવાનો છે, કેળવવાનો છે, અને એનામાં એવા અનુપમ ગુણો પ્રગટાવવાના છે કે જેના લીધે એ ગતમાં ગુણિયલ રાજવી તરીકે પંકાય, ને અમારા મનોરથો પૂરનારો થાય. આટલી અમારી આશા છે, અને શ્રદ્ધા પણ.
યશર્માએ પૂરા વિવેપૂર્વક આના જવાબમાં કહ્યું કે મહારાજ! મોરનાં ઈંડાંને ચીતરવાં નથી પડતાં, અને સહજ-ધવલ શંખને ધોળવાનો નથી હોતો. ઉત્તમ કુલમાં અવતરેલા ઉત્તમ બાળકોમાં માનવીય સઘળા ગુણો સહજસિદ્ધ જ હોય છે; અમે, ગુરુઓ તો તેમાં નિમિત્તમાત્ર જ બની શકીએ. એટલે આપના કુમારશ્રી વિશે આપ બીજી કોઈ જ ચિંતા ન સેવશો. આપનું લોહી છે, તો આપના જેવા જ તે સદ્ગુણી ને વિદ્યાનંત બનશે તેની મને આસ્થા છે; ને છતાં આપની ભલામણ મારા માટે આપની આજ્ઞા સમાન છે; કુમારશ્રીની કેળવણીમં હુંકોઈજ નૂન્યતા નહિ આવવા દઉં, તેની ખાતરી રાખજો.
યોગાનુયોગ યશર્માનો નાનો પુત્ર તિવર્ધન; તેનો પણ તે જ દિવસે વિદ્યાભ્યાસ પ્રારંભવાનો હતો. એટલે ગુરુપત્ની આ વાર્તાલાપ દરમિયાન જ તેને તૈયાર કરીને ત્યાં મૂકી ગયાં. ગુરુજીની આજ્ઞાથી કુમારની બાજુમાં જ તેને પણ બેસાડવામાં આવ્યો.
આ પછી બેઉ નવા વિદ્યાર્થીઓને ગુરુજીએ પાઠ આપવાનું મુહૂર્ત કર્યું. સૌ પ્રથમ તેમણે સર્વજ્ઞ વીતરાગ અરિહંત પ્રભુને વંદના કરી
Jain Education International
For Private & Personal Use Only
www.jainelibrary.org
