________________ 16 પૂ. મહોપાધ્યાયશ્રીએ આ કાળમાં આપણું શું કર્તવ્ય છે, તે સ્પષ્ટ શબ્દોમાં કહી દીધું છે. આત્માર્થી જીવો એ જ અનુસરશે અને એ વાત જે અનુસરશે તે કુશલાનુબંધી બનશે. બાકી સ્વતંત્રમતિને વશ બની શાસ્ત્રથી વિરુદ્ધ વર્તન-પ્રરૂપણા કરશે, તે દુર્લભબોધિ બનશે, એ સહેજે સમજી શકાય તેવી વાત છે. - બાકી, વિષમકાળના પ્રભાવે... પ્રથમ નંબરે તો... આપણે જે કંઈ ગુમાવ્યું હોય, તે પાછું મેળવવા પ્રયત્ન કરવો જોઈએ. પરંતુ જે બચ્યું છે તેને પણ મૂકી દેવાની ભૂલ ન કરાય. બીજા નંબરે - જાણતા નહોતા ત્યારે અને જાણ્યા પછી પણ કારણોસર કશુંક નભાવી લેવું પડે, એટલા માત્રથી તે સુવિદિત ન બની જાય. ત્રીજા નંબરે - શાસ્ત્રની દૃષ્ટિએ જે ખોટું છે, તેને પુણ્ય-પ્રભાવાદિની ઉણપના કારણે નાથી ન શક્યા હોઈએ, એટલા માત્રથી એને માન્ય ન કરી લેવાય. શાસનાશ્રય ન અપાય. ઘણા દેશોમાં વિભિન્ન સ્વરૂપે આતંકવાદ પ્રવર્તે છે. પરંતુ તેને નાથવાનો પ્રયત્ન ચાલું જ છે. કોઈ એવા આતંકવાદને રાજ્યાશ્રય ન આપે. જેણે પણ (બિનસત્તાવારરૂપે પણ) આતંકવાદને રાજ્યાશ્રય આપ્યો છે, તે દેશ દુનિયામાં બદનામ થયો છે અને તેના માઠા ફળ પણ ભોગવી રહ્યો છે. એ જ રીતે ખોટી વાતને નાથી ન શકાય તે જુદી વાત છે. પરંતુ એને ગચ્છાશ્રય-સમુદાયાશ્રય-ગણાશ્રય-સંઘાશ્રય આપવો એ ઘણી મોટી ભૂલ છે. તેના માઠા ફળ ભોગવવાના આવે છે. કદાચ કોઈને અટકાવી ન શકીએ - નાથી ન શકીએ, એ વાત અલગ છે, પરંતુ એ માર્ગ શાસ્ત્રસાપેક્ષ નથી એ તો વેળાસર જાહેર કરી જ દેવું પડે છે. તો જ જીવો ઉન્માર્ગથી બચી શકે. સ્વયં પ્રભુ જમાલિજીને અટકાવી નથી શક્યા. પરંતુ જમાલિજી ખોટા છે તે તો પ્રભુએ તુરંત જાહેર કરી જ દીધું છે. સન્માર્ગની સુરક્ષામાં આ કાર્ય નિરંતર ચાલ્યા જ કરે છે. તે તે કાળના મહાપુરુષોએ પોતાનું ઉત્તરદાયિત્વ સમજીને માન-અપમાનની દરકાર રાખ્યા વિના સન્માર્ગનું પ્રકાશન અને
