________________
શ્રેયાંસ. સંતાપ અને દુઃખના નિવારણ માટે આ પ્રભુની જપસાધના છે. આ મંત્રની જપસાધના કરવાથી સંતોષનો ઉદય થાય છે.
પ્રભુ મને પણ બાહુયુગલ કર્મના કારણે મળ્યા છે તેનો સદુપયોગ કરું, તેની શક્તિનો ઉપયોગ સત્કાર્ય અને વૈયાવચ્ચમાં કરું એ ભાવનાની સાથે હે શ્રેયાંસનાથ ભગવાન ! સ્વપરનું કલ્યાણ થાઓ ને બીજાને ટેકો આપી તેને પડતો બચાવો.
હે પ્રભો ! આપ મને પડતા બચાવીને સંસારની ઊંડી ખીણમાંથી બહાર કાઢી શિખરે પહોંચાડો એવી આપની કૃપા ઝંખુ છું. પ્રભુ, આપની ભુજા સ્કંધ ગાડાના ધૂસર જેવી પુષ્ટ હતી. બાહુ ફેલાવેલા સર્પરાજના શરીર જેવા દીર્ઘ હતા. આપ બે ભુજાએ સંસાર સમુદ્રને તરી ગયા. પ્રભો, મને પણ એવું બળ આપો કે રાગ-દ્વેષ ભરેલા સંસારસાગરને તરી જાવ ને આપે બતાવેલા માર્ગની આરાધના કરું એ જ મંગળ ભાવના ભાવું છું. ૐ હ્રીં શ્રીં શ્રેયાંસનાથાય નમઃ ની માળા કરવી. (૧૨) વાસુપૂજ્યસ્વામી બન્ને હાથની રક્ષા કરે છે.
વસુ = લક્ષ્મી. દ્રવ્ય અને ભાવ લક્ષ્મીના કારણે જે જગતમાં પૂજાય છે તે વાસુપૂજ્ય.
વસુ = કુબેર, વસુ = ધરતીમાતા, ગૌમાતા વસુ = દિવ્ય શક્તિઓનો દિવ્ય પ્રભાવ. ભાવવિશુદ્ધિના કારણે મુખ ઉપર તેજ પ્રગટે તે દિવ્ય પ્રભાવ છે. !! વસતિ ઈતિ વસુ !! જે નિવાસ કરે તે વાસુપૂજ્ય સ્વામી. શુભ તત્ત્વોની ઉન્નતિ કરે, અશુભ તત્ત્વોનો વિરોધ કરે તે વાસુપૂજ્ય.
હે પ્રભો ! નામકર્મના ઉદયે બન્ને હાથ મળ્યા પણ મેં તેનો ઉપયોગ કોઈને મારવામાં કર્યો. તે પાપનો બંધ વધાર્યો. કુમળા જીવોની હત્યા કરી સંસાર વધાર્યો. જે હાથથી કર્મ બાંધ્યા તે જ હાથથી સંસાર સીમિત કરું એવી ભાવના ભાવું છું. કારીગરો અલગ અલગ પ્રકારના હોય. કોઈ ચિત્ર બનાવવામાં કુશળ, કોઈ શિલ્પકળામાં, કોઈ ભરતકળામાં કુશળ હોય. આ કુશળતા બાહ્ય ક્ષેત્રમાં થઈ અત્યંતર જગતમાં કોઈ
મહાપુરુષ હાથનો ઉપયોગ સુપાત્ર દાનમાં કરે છે, કોઈ નમસ્કાર પુણ્યમાં કરે છે. નવ પ્રકારના પુણ્ય છે. મોટા ભાગના પુણ્ય ઉપાર્જન આ હાથ દ્વારા જ થાય છે તેમજ મોટા ભાગના પાપ ઉપાર્જન પણ આ હાથ દ્વારા જ થાય છે.
આગમમાં અવલોકન કરીએ. સંગમે હાથ દ્વારા સુપાત્રમાં દાન દઈ પુણ્યાનુબંધી પુણ્ય ઉપાર્જન કર્યું. નાગેશ્રી બ્રાહ્મણીએ પણ તપસ્વી મુનિરાજને ફેંકી દેવા જેવો આહાર હોરાવ્યો ને પાપાનુબંધી પાપનું ઉપાર્જન કર્યું. એક જ ક્રિયા છતાં બન્નેને ફળ અલગ મળ્યું. એકને માનવજન્મ ને એકને નરકની સજા મળી.
હે પ્રભુ! તું મારો હાથ પકડવા તૈયાર છે પણ હું તારી આંગળી પકડવા તૈયાર નથી. આ મૂર્ખતા છે. હવે સમજાયું કે તારી આંગળી પકડવાથી મને ફાયદો છે કે એકવાર તારી આંગળી પકડીશ તો મારો હાથ તું છોડીશ નહીં - મોક્ષ ન થાય ત્યાં સુધી. દુર્ગતિ નહીં થાય એવી મને આજ સો ટકાની ખાતરી થઈ છે. બસ પ્રભુ, તું મારો હાથ પકડી રાખજે. હ્રીં શ્રી વાસુપૂજ્ય સ્વામીને નમઃ ની એક માળા કરવી. (૧૩) વિમલનાથ સ્વામી આંગળીઓની રક્ષા કરે છે.
વિમલ =નિર્મળ. આ પ્રભુનું નામ મનોયોગને શુદ્ધ કરે છે. મનને મંગલમય બનાવે. મન તો રાજા છે. બહારનું ચક્ર મનથી ચાલે છે. કષાયના ઉપદ્રવને હરનારું છે.
હે પ્રભો ! નામ કર્મના ઉદયે પાંચ આંગળી મળી બન્ને હાથની દસ આંગળી થઈ આ અંગુલી દ્વારા કપાળમાં તિલક કરાય સ્વસ્તિક કરાય. આ અંગુલિ દ્વારા કોઈને રસ્તો બતાવાય, આ માણસ અવગુણી છે. એક અંગુલી તેના તરફ ચાર અંગુલી તારા તરફ છે. એ બતાવે છે કે તેના કરતા તારામાં ચાર અવગુણ વધારે છે. અંગુલિ નિર્દેશ એટલે શું? આપણામાં કહેવાય છે કે આંગળી ચીંધ્યાનું પુણ્ય છે. મહાપુરુષ આપણને અંગુલિનિર્દેશ કરી પુણ્ય ઉપાર્જનમાં સહાય થાય છે. ૪ સે મિલે ૪ ચોવીસ હુએ, દસ રહે કર જોડ જ્ઞાની સે જ્ઞાની મિલે ઉલસે સાતે ક્રોડ ઘરમાં, કુટુંબમાં કે સમાજમાં પાંચેય આંગળી સરખી ન હોય તે કહેવત બરાબર છે. કોઈપણ કામ કરો જૈન મંત્ર, સ્તોત્ર અને ચંદ્ર
જ્ઞાનધારા - ૨૦
