________________
ગુરુમંત્ર એક શસ્ત્રનું કામ કરે છે, જે સ્વયંના અવગુણોની સામે લડવા અને શૂરવીરતા પ્રગટ કરવામાં સમર્થ હોય છે. મારે પણ કંઇક પામવું છે, મારે પણ આત્મિક પ્રગતિ કરવી છે એવી ઝંખના કરાવે છે. ગુરુમંત્ર ગુરુ સાથે અનુસંધાન કરાવે છે, શિષ્યને શ્રેષ્ઠ બનાવે છે અને અંતે શિષ્યને જ ગુરુ બનાવી દે છે !
ગુરુ બન્યા વગર અનંત આત્માઓ મોક્ષે ગયા છે પણ ગુરુ બનાવ્યા વિના એક પણ આત્મા મોક્ષે નથી ગયો ! વ્યક્તિની અંદર જ્ઞાન, ધ્યાન, સાધના માટે ગમે તેટલી ક્ષમતા હોય, પણ જ્યાં સુધી ગુરુની કૃપા ન થાય ત્યાં સુધી તેની સંપૂર્ણ ક્ષમતા પ્રગટ થતી નથી.
ગુરુમંત્ર એક કૃપાબિંદુ છે, જેના દ્વારા ગુણોનો સિંધુ સર્જાય છે !
જગતના સર્વ જીવોને ગુરુનું સાન્નિધ્ય પ્રાપ્ત થાય, સદ્ગુરુ પ્રત્યે શ્રદ્ધા અને સમર્પણ પ્રગટ થાય અને તેઓ પણ ગુરુમંત્ર પામીને, તેને અનુસરીને શીઘ્રાતિશીઘ્ર મોક્ષગતિને પ્રાપ્ત થાય તેવી શુભ ભાવના !
જિનાજ્ઞા વિરુદ્ધ કંઇ પણ લખાયું હોય તો ત્રિવિધ ત્રિવિધ મિચ્છામિ દુક્કડમ,
(ચેન્નઇ સ્થિત જૈન ધર્મના અભ્યાસુ હેમાંગભાઇએ IIT Bombay થી Aerospace Engineering માં M.Tech. કરેલ છે. મુંબઈ યુનિવર્સિટીનો ડિપ્લોમાં ઇન જૈનોલોજી કોર્સ કરેલ છે. રાષ્ટ્રસંત પરમ ગુરુદેવશ્રી નમ્રમુનિ મ. સ. પ્રેરિત સંબોધિ સત્સંગ અને youngsters માટે spiritual sessions ‘આત્મન્ ગ્રુપ' સાથે સંકળાયેલા છે.)
સંદર્ભગ્રંથ ઃ
(૧) રાષ્ટ્રસંત પરમ ગુરુદેવશ્રી નમ્રમુનિ મ.સા. ના પ્રવચન
(૨) પરમ પ્રવિત્રાજી મહાસતીજીના પ્રવચન
(૩) શ્રી રાયપસેણીય સૂત્ર (ગુરુપ્રાણ આગમ બત્રીસી)
(૪) આરાધ્યમ ગ્રંથ (તપસમ્રાટ પૂજ્ય ગુરુદેવશ્રી રતિલાલજી મ.સા. જન્મશતાબ્દી સ્મૃતિગ્રંથ)
(૫) જ્ઞાનસાધના અને સરસ્વતી વંદના (સંપાદન – ગુણવંત બરવાળિયા)
૨૫૪
જ્ઞાનધારા - ૨૦
ઉવસગ્ગહરં સ્તોત્રના રચયિતા આચાર્ય ભદ્રબાહુનું જીવન અને કવન
- ગુણવંત બરવાળિયા
શ્રી ભદ્રબાહુ સ્વામી પ્રાચીન ગોત્રના હતા. તેમનું જન્મસ્થાન દક્ષિણમાં આવેલ પ્રતિષ્ઠાન પુર હતું. તેઓ જ્ઞાતિઓ બ્રાહ્મણ હતા. ભદ્રબાહુને વરાહમિહિર નામનો એક ભાઈ હતો. બંને ભાઈઓ સંસ્કૃતના પ્રખર વિદ્વાન હતા અને વેદોના નિષ્ણાત હતા. સાથે સાથે જ્યોતિષવિદ્યાના પારગામી પણ હતા. બંને બંધુઓ વિદ્યાદેવીના ઉપાસક અને પ્રીતિપાત્ર હતા. પરંતુ લક્ષ્મીદેવી એમનાથી રિસાયેલાં હતાં. ઘણીવાર તો તેઓ તાંબડી ફેરવીને ઉદરનિર્વાહ કરી લેતાં.
૨૭
એકવાર તેઓને જૈન ધર્મના પ્રતિભાસંપન્ન મહાજ્ઞાની શ્રી યશોભદ્રજીનો પરિચય થયો. તેમના ઉપદેશથી પ્રભાવિત થઈ બંને બંધુઓએ વીર સં. ૧૩૯માં દીક્ષા - ધર્મનો સ્વીકાર કર્યો અને ગુરુની પાસે ૧૭વર્ષ રહી આગમોનું ગંભીર અધ્યયન કર્યું.
બંને મુનિબંધુઓએ અલ્પ સમયમાં જ શાસ્ત્રાભ્યાસ અને ધાર્મિક ક્રિયાઓમાં બહુજ કુશળતા પ્રાપ્ત કરી. પરંતુ ભદ્રબાહુ સ્વામીએ ગુરુના ચરણે બેસી ચૌદપૂર્વનું
જૈન મંત્ર, સ્તોત્ર અને યંત્ર
૫૫
