________________
આ કોઇ સાધારણ યંત્ર નહિ હોવાથી તેના મહામંત્રરાજનો દરજ્જો પ્રાપ્ત છે. કુલ ૬૫૬ ૧ ખાનાવાળા મહાયન્સરાજમાં તેનો આધાર બ્રાહ્મણ જાતિનો પંદરિયો યંત્ર છે. અંક ૧ થી શરૂ કરીને અંક ૯ સુધી નવ ચતુષ્કોણમાં સ્થાપવામાં આવે છે.
આ છ હજાર પાંચસોને એકસઠ કોષ્ટક ધરાવતા મહાયત્રરાજમાં નવના એવા ૮૧ (એકયાસી)ખાના છે અને ૭૨૯ પેટા કોઠા છે.દરેક પેટા કોઠામાં કુલ ૯ આંકડા છે. આ ખાનાનો ગમે તે બાજુથી સરવાળો કરો તો તે ૧૫ જ આવે.
વિજય એટલે વિશેષ રીતે જય અને પતાકા એટલે ધજા. આ યંત્રના આરાધકને તેના દરેક કાર્યમાં જય મળે છે, જે કયારેક પરાજયમાં નથી બદલાતો. એ સતત લહેરાતો રહે છે ધજાની જેમ. આ યંત્રને અર્જુન યંત્ર પણ કહેવાય છે.
આ મહાયંત્રરાજ ૧૧મી સદીમાં શ્રી ત્રિવિક્રમાચાર્યે રચ્યું હતું. તેઓ કલિકાલસર્વજ્ઞ હેમચન્દ્રાચાર્યના સમકાલીન હોવાનું મનાય છે. જો કે આ મહાન આચાર્ય વિષે કોઈ ખાસ માહિતી ઉપલબ્ધ થતી નથી.
શ્રી ચંદ્રમણિ તીર્થના ટ્રસ્ટી શ્રી અતુલભાઇ શાહના જણાવ્યા મુજબ વાલવોડમાં બિરાજિત મહાયંત્રરાજ ૧૪મી સદીમાં આલેખાયેલું છે. તેની રચના શૈલી, તેમાં વપરાયેલા પદાર્થો વગેરે જોતાં મહાત્માઓ આ નિર્ણય પર આવ્યા છે. લગભગ ૬૦૦ વર્ષ પ્રાચીન મહામંત્રરાજમાં જગતમાં જેટલા પ્રકારના પંદરીયા યંત્ર છે તે સર્વે સમાવિષ્ટ થયેલા છે. પંદરીયા યંત્રની દુનિયા અજબગજબની છે. અંક ૧ થી ૯ જુદી જુદી રીતે આલેખવાથી તેની જુદી જુદી અસરો થાય છે. જૈનોમાં નવપદજીના, ૯ ગ્રહોના વગેરે પણ પંદરીયા યંત્ર હોય છે, એટલું જ નહિ, પણ તે બનાવવા માટે વપરાતી સામગ્રી પણ જુદી જુદી અસરો દેખાડે છે.
જૈન પરંપરામા મૂળ બે પ્રકારના ૧) મંત્ર આલેખિત અને ૨) અંક આલેખિત યંત્રો જોવામાં આવે છે. આમ તો દરેક અંક આલેખિત યંત્રમાં પ્રત્યેક અંક સાથે એક મંત્ર ગર્ભિત રીતે સંલગ્ન હોય જ છે અને દરેક યંત્રનો એક મૂળ મંત્ર હોય છે.
આ વિજયયંત્રનો કોઠો જે અંક ૧થી શરૂ થાય તેની જમણી બાજુ એટલે કે ઇશાનખૂણે 3ૐ, ડાબી બાજુ એટલે કે અગ્નિખૂણે શ્રી, નીચે નૈઋત્ય ખૂણે કૈલખાયેલો હોય છે.આ ઉપરાંત તેની એકદમ ઉપર શ્રી શંખેશ્વર પાર્શ્વનાથાય નમઃ અને પછી આખો મૂળ મંત્ર લખાયેલો હોય છે.
શ્રી ચિંતામણિ વિજયપતાકા મહામંત્રરાજ મૂળ મંત્ર છે :
ૐ ઐ હ્રીં શ્રીં ક્લીં પાર્ષદેવાય સર્વશક્તિ સહિતાય પાર્શ્વ યક્ષ પદ્માવતી સંસેવિતાય રિપુનિર્જયાય ૐ હ્રીં શ્રીં કલીં યશો લાભ જનસંખ્ય કુરુ કુરુ સ્વાહા. આમ છતાં ત્યા એક વધુ મંત્ર આપેલો છેઃ ૐ હ્રીં શ્રીંચન્દ્ર વિદનહરા પાર્શ્વનાથાય નમઃ
આ મહાયત્રરાજની સામે બેસીને મંત્રની આરાધના શુદ્ધ બુદ્ધિ રાખીને કરવામાં આવે તો તે ઇચ્છિત કાર્યોમાં સફળતા અપાવે છે. લક્ષ્મી પૂર્ણ અને સ્થિર રહે છે, વિક્નોનું નિવારણ થાય છે, દુશ્મનો અને ચોરો દૂર રાખે છે, વ્યાપાર વધે છે, સદ્ગુણોનો વિકાસ થાય છે, જીવન ધર્મમય બને છે અને પરમ તત્ત્વ તરફ એટલે કે મોક્ષ તરફ દોરી જાય છે.
આ યંત્રની રચના માટે વાર, તિથિ, નક્ષત્ર ઉપરાંત તેના આલેખન માટે સામગ્રીના નિયમો છે, જે ગુરુગમથી જાણી લેવા. તેના પૂજન, હવન વગેરેના પણ નિયમો છે. જોકે તેનું અંતિમ લક્ષ્ય તો બ્રહ્મચર્ય અને તપ સહિત યંત્રરાજની સામે બેસીને લઘુતમ ૧૨,૫૦૦ અને શ્રેષ્ઠતમ સવા લાખનો જાપ કરવાનો છે.
આરાધના શુક્લ પક્ષમાં રવિવારે અથવા ગુરુવારે રાત્રિના સમયે કરવાનું વિધાન છે. છેલ્લા કેટલાક વર્ષોથી ચોરીના બનાવો બનતા હોવાથી રાત્રિ આરાધનાનો નિષેધ કરવામાં આવેલો છે. જોકે દિવસે પણ આ આરાધના કરવાથી ફાયદા થતા જોવાયા છે.
હજુ ચાર મહિના પહેલાજ અન્વેરીના એક ૭૨ વર્ષના બહેને અહીં આરાધના કર્યા પછી માસક્ષમણ કર્યું. તેમની ઇચ્છા ઘણા વર્ષોથી હતી પરંતુ કરી શક્તા ન હતા. જૈન મંત્ર, સ્તોત્ર અને યંત્ર
૨૬૩
જ્ઞાનધારા - ૨૦
