________________
બધી આંગળીઓની જરૂર પડે છે. અભણ વ્યક્તિ માટે કહેવાય છે કે અંગુઠા છાપ છે જેને સાઈન કરતા ન આવડે તેને વાઉચરમાં અંગુઠો મરાવે. દેખાવમાં અભણ વ્યક્તિ હોય પણ તેનું વ્યક્તિત્વ નિરાળુ હોય. હે વિમલ! તારી વિમલતા માંગુ, પાપ પંકને ધોવા તારી મલિનતા તું જાણે જ છે. એ મલિનતા દૂર કરી વિમલતાને પામું એવી મંગલ ભાવના સાથે, ૐ હ્રીં શ્રીં વિમલનાથાય નમઃ ની એક માળા કરવી. (૧૪) અનંતનાથ ભગવાન નખોની રક્ષા કરે છે.
અનંત = જેનો અંત નથી તે, જેનો પાર ન પામી શકાય, જે ગૂઢ રહસ્યમય હોય તે અનંત. આ મંત્રજાપ ગુપ્ત શક્તિઓ અને અગમ્ય ભાવોને જાગૃત કરનાર છે. આ મંત્રજાપ અમંગલકારી શક્તિઓનો લય કરે છે ને મંગલકારી શક્તિઓનું આહવાન કરે છે. પરકૃત પીડા અનંતનાથ ભગવાનના જાપથી શાંત થાય છે.
હે પ્રભો ! આપની પ્રતિષ્ઠા નખ ઉપર કરી ભાવના ભાવું છું કે નખ દ્વારા બીજાને વાગેલ કાંટો કાઢી શકું ને શાતા પહોંચાડું. ભાવથી મારા અંદરમાં પડેલી રાગદ્વેષની ગાંઠને છોડું એવી કૃપા વરસાવજો. ૐ હ્રીં શ્રીં અનંતનાથાય નમઃ ની એક માળા કરવી. (૧૫) ધર્મનાથ ભગવાન ઉદર (પેટ) ને હાડકાઓની રક્ષા કરે છે.
ધર્મ = સ્વભાવ, ફરજ, મર્યાદા, ગુણ વગેરે ધર્મ = વ્રત, નિયમાદિનું આચરણ, વત્યુ સહાવો ધમ્મો ! વસ્તુના સ્વભાવને ધર્મ કહે છે. આ મંત્રજાપ દ્રવ્યથી શરીરના પેટ ઉદર ને હાડકાની રક્ષા થાય ને ભાવથી ધર્મરક્ષા માટે છે. વ્રત નિયમ આદિને સંકલ્પ પ્રમાણે પૂરા કરાવે છે. જે પદાર્થનો ગુણ ધર્મ છે તે નિશ્ચિત રૂપથી ફળ આપે છે. મનને બચાવે તે મંત્ર, તનને બચાવે તે તંત્ર અને પીડાદેવાવાળી ચીજથી રક્ષા કરે તે યંત્ર. હે પ્રભો! નામકર્મના ઉદયે પેટ ને હાડકાઓ મળ્યા તેનું કાર્ય શું છે? તેની અંદર શું છે ? લીવર, આંતરડા, જઠરાગ્નિ, કીડની વગેરે અવયવ અંદર છે. લીવર પાચનશક્તિનું કામ કરે છે. જઠરાગ્નિ અન્નને પાચન કરાવે છે જે શરીરને તેજસ્વી
રાખે છે. કીડની નકામો કચરો બહાર કાઢી બ્લડને શુદ્ધ કરે છે. આંતરડા ખોરાકનો રસ બનાવી સપ્ત ધાતુમાં પરિણમાવે છે. શરીરના એક એક અવયવનું કામ જુદું જુદું છે. હાડકાનું કામ શરીરને મજબૂત બનાવે છે. જૈન પરિભાષામાં એને સંઘયણ કહે છે. તેના ૬ ભેદ છે.
હે પ્રભો ! આપની પ્રતિષ્ઠા ઉદર, પેટ ને હાડકાઓ પર કરું છું ને આપની કૃપાએ સમ્યકરૂપે પરિણમે અને અમારા વ્રતનિયમના સંકલ્પો પૂર્ણ કરવામાં સહાયભૂત થાઓ. ૐ હ્રીં શ્રીં ધર્મનાથાય નમઃ ની એક માળા. (૧૬) શાંતિનાથ ભગવાન નાભિનું રક્ષણ કરે છે.
નાભિનો આકાર ગોળાકાર છે. જન્મતા બાળકનું નાભિનાળ ૪ અંગુલ રાખી બાકીનું છેદન કરે છે. તીર્થકર જન્મે ત્યારે પ૬ દીકકુમારી દેવી આ વિધિ કરે. નાભિનાળને ખાડામાં દાટી તેના પર શિલા બનાવે છે. નાભિના નાદથી અંતર-ધ્વનિથી જે આરાધના થાય છે તેનો આનંદ કોઈ અલગ હોય. આઠ આત્મપ્રદેશો નાભિની બાજુમાં છે તેને કોઈ આવરણ નથી. તે એકદમ શુદ્ધ છે. આત્મશુદ્ધિ માટે નાભિના નાદથી આરાધના કરે તેને અલૌકિક શાંતિનો અનુભવ થાય છે. શાંતિ = શાંત થવું, શાંત કરવું. વ્યક્તિને આધિ, વ્યાધિ, ઉપાધિમાંથી મુક્ત કરી શાંતિમાં સ્થાપિત કરે, અશાંતિ અને અસમાધિને દૂર કરી સુખ, સમાધિ આપે તે શાંતિનાથ.
હે પ્રભો ! આપના શરણે આવેલા અનેક આત્માને શાંતિનો અનુભવ કરાવ્યો ને આત્મિક શાંતિનો રાહ બતાવી પરમેનેન્ટ શાંતિ અપાવી. પ્રભુ આજ મને સમજાયું કે આપ શાંતિના દાતાર છો. આજથી હું સંકલ્પ કરું છું. આપના નામનું સ્મરણ મારા શ્વાસોચ્છવાસમાં વણાઈ રહે એ જ ભાવના સહ ૐ હ્રીં શ્રી શાંતિનાથાય નમઃ ની એક માળા. (૧૭) કુંથુનાથ ભગવાન ગૃહ્ય પ્રદેશની રક્ષા કરે છે.
જેનું નામ નાનું છે પણ કામ મોટું છે. કંથવા જેવા સૂક્ષ્મ જીવાણુ બેક્ટરિયા જૈન મંત્ર, સ્તોત્ર અને યંત્ર
જ્ઞાનધારા - ૨૦
