________________
પ્રતિક્રમણ હેતુગર્ભિત સ્વાધ્યાય/ગાથા-૧થી ૪ પરિણામ જ પુષ્ટ-પુષ્ટતર થાય છે. અને સામાયિકને અનુકૂળ વિશેષ પ્રકારનું વીર્ય ઉલ્લસિત થાય છે માટે સાધુ કે શ્રાવક સામાયિક વગેરે પાંચ આવશ્યક કર્યા પછી પોતાની શક્તિને ગોપવ્યા વગર “પચ્ચકખાણ આવશ્યક”માં શક્તિ અનુસાર ઉચિત પચ્ચખાણ ગ્રહણ કરી તેના બળથી પણ પોતાના સામાયિકના પરિણામને વિશુદ્ધ બનાવે છે.
આ રીતે છ આવશ્યકનું સ્વરૂપ ઉપસ્થિત કરીને જેઓ છ આવશ્યકમય પ્રતિક્રમણની ક્રિયા કરે છે, તેઓને છ આવશ્યકોનો બોધ છ આવશ્યકોમાં રુચિને ઉત્પન્ન કરે છે અને રુચિપૂર્વક છ આવશ્યકની ક્રિયાથી જેમ જેમ બોધ સૂક્ષ્મ-સૂક્ષ્મતર થાય છે તેમ તેમ તેનું ચિત્ત છ આવશ્યકના વર્ણનથી રીઝે છે=હર્ષ પામે છે કે “અહો ! આ જિનવચન કેવું સુંદર છે !” એની પ્રાપ્તિથી મને સંસારથી બહાર નીકળવાનો ઉપાય મળ્યો. જે રીઝે નહીં કે બૂઝે નહિ તેને રુચિ થાય નહીં તેથી તેની છ આવશ્યકની ક્રિયા કલ્યાણનો અહેતુ છે. વળી, રુચિપૂર્વક જેઓ છ આવશ્યકની ક્રિયા કરે છે તેમને જેમ જેમ બોધ વધે છે તેમ તેમ રુચિ સૂક્ષ્મ-સૂક્ષ્મતર થાય અને જેમ જેમ રુચિ સૂક્ષ્મ-સૂક્ષ્મતર થાય તેમ તેમ સમ્યગ્ દર્શનની નિર્મલતા થાય છે. II૧થી ૪માં
