________________
૧૪૬
પ્રતિક્રમણ હેતુગર્ભિત સ્વાધ્યાયઢાળ-૧૮/ગાથા-૧થી ૫ દુર્ગતિ તે સાધુને થાત નહિ પરંતુ વ્રતની પ્રતિજ્ઞા કર્યા પછી તે આચરણાથી તે સાધુઓને વ્રતના ઉલ્લંઘનરૂપ પાપની પ્રાપ્તિથી અવશ્ય દુર્ગતિ મળે છે. અને અન્ય અન્ય સાધુને પ્રમાદ કરાવીને ઘણાનો વિનાશ કરે છે. તેથી તે પ્રમાદાચરણા સહસવધિ વિષ જેવી છે.
વળી, રાજા તે વૈદ્યને વિષનું વારણ પૂછે છે તો વૈદ્ય તેનું વારણ બતાવતાં લવ ઔષધ આપીને તે વિષનું વારણ બતાવે છે. તે રીતે જે સાધુ અનાભોગાદિથી કે પ્રમાદવશ સ્કૂલના પામેલા હોય તેઓ પણ તે પાપપ્રવૃત્તિ પર તીવ્ર જુગુપ્સા ઉત્પન્ન થાય તે રીતે નિંદારૂપી ઔષધનું સેવન કરે તો તે વિષનું વારણ થાય છે. વળી, જેમ તે વૈદ્ય ઔષધલવ આપીને વ્યાપક હજાર જીવોના પ્રાણનું રક્ષણ કરે છે તેમ જે સાધુ સ્કૂલના પામ્યા પછી પોતાના દુઃચરિત્રની સદા નિંદા કરે છે અને યોગ્ય જીવોને તે આચરણા અનુચિત છે તેમ કહે છે તેના તે કથનથી અન્યજીવોને તેવી પ્રમાદાચરણા કરવા રૂપ ઉલ્લાસ થતો નથી. તેથી તે નિંદા કરનાર સાધુ અન્ય સાધુઓના પ્રાણનું પણ રક્ષણ કરે છે. આ રીતે શુદ્ધ પરિણામથી નિંદા કરીને તે સાધુ “સુયશને કરનાર એવા ગુણકારક સંવરભાવને બાધા વગરનો કરે છે. જેથી તેનો ચારિત્રરૂપી દેહ નાશ પામતો નથી. II૧થી પણ
