________________
૧૫૪
પ્રતિક્રમણ હેતુગર્ભિત સ્વાધ્યાય/સ્તવન/ગાથા-૧
સ્તવન
(રાગ ઃ આનંદની ઘડી આઈ...) ગાથા :
આનંદકી ઘડી આઈ, સખીરી આજ આનંદકી ઘડી આઈ, કરકે કૃપા પ્રભુ દરિશન દિનો, ભાવકી પીડ મીટાઈ, મોહનિદ્રાસે જાગૃત કરકે, સત્યકી બાત સુણાઈ,
તનમન હર્ષ ન માઈ. સખીરી. ૧ ગાથાર્થ :
ભગવાનને જોઈને સ્તવનકાર કહે છે - હે સખી ! આનંદની ઘડી આવી છે, આજે આનંદની ઘડી આવી છે.
હવે, કેમ આનંદની ઘડી આવી છે ? તેથી કહે છે – કૃપા કરીને ભગવાને દર્શન આપ્યું જેથી ભવની પીડા મટાડી અને મોહનિદ્રાથી જાગૃત કરીને સત્યની વાત સંભળાવી, તેથી તન અને મનમાં હર્ષ સમાતો નથી. III ભાવાર્થ :
સ્તવનકાર ભગવાનને જોઈને સમતાની પરિણતિરૂપ પોતાની સખીને કહે છે – હે સખી! આજે આનંદની ઘડી આવી છે; કેમ કે અનંતકાળમાં ક્યારેય ભગવાનનું દર્શન થયું હતું. આજે ભગવાને મારા પર કૃપા કરી જેથી મને ભગવાનનું દર્શન થયું. આનાથી એ પ્રાપ્ત થાય કે અનાદિકાળથી આત્મા પર કર્મનું જોર હતું તેથી ભગવાન, ભગવાન સ્વરૂપે દેખાતા જ ન હતા. હવે આત્મા પરથી કર્મનું જોર કાંઈક ઘટ્યું એટલે ભગવાનની યોગનિરોધ સ્વરૂપ પ્રતિમાને જોવાથી ભગવાન વીતરાગ સ્વરૂપે દેખાયા. તેથી સ્તવનકારને વિશ્વાસ થયો કે મને ભગવાનનું દર્શન થયું છે તેથી હવે મારી આ ભવની પીડા મટશે એટલે દર્શન આપી ભગવાને મારી ભવની પીડા મિટાવી છે. તે આનંદ હૈયામાં સમાતો નથી. તેથી પોતાની સખીને ઉદ્દેશીને કહે છે - “આનંદ કી ઘડી આઈ.” અર્થાતુ આજે આનંદની ઘડી આવી છે.
