________________
૨૬
પ્રતિક્રમણ હેતુગર્ભિત સ્વાધ્યાય/ઢાળ-૩/ગાથા-૪-૫ અતિચાર પ્રત્યે જુગુપ્સા કરેલ છે અને ગુરુસાલીએ આલોવવાનો અધ્યવસાય કરેલ છે. તેના કારણે પોતાને જે શુભ અધ્યવસાય થયો છે તેથી સાધુ અને શ્રાવકને ઉત્સાહ થાય છે કે, દિવસ દરમિયાન થયેલાં પાપોની શુદ્ધિ કરીને હવે હું નિર્મલ થઈશ અને તેથી હર્ષિત થઈ ભગવાનનાં નામના કીર્તનરૂપ પ્રગટ લોગસ્સસૂત્ર બોલે છે. તે ચઉવિસત્થો નામનું બીજું આવશ્યક છે. જા ગાથા :
સાંડાસા પડિલેહી બેસે, મુહપત્તિ તનુ પડિલેહે વિશેષે; ઉ૦
કાઉસ્સગ્ગ અવધારિત અતિચાર, આલોવા દે વંદન સાર. ઉ૦ ૫ ગાથાર્થ :
સાધુ સયણાસણ'ની ગાથાપૂર્વક કાઉસ્સગ્ન કર્યા પછી “લોગસ્સ સૂત્ર” બોલીને અને શ્રાવક અતિચારની આઠ ગાથાપૂર્વક કાઉસ્સગ્ગ કર્યા પછી “લોગસ્સ સૂત્ર” બોલીને સંડાસા પડિલેહણ કરી બેસે છે અને મુહપતિ દ્વારા શરીરનું વિશેષ પડિલેહણ કરે છે અને કાયોત્સર્ગમાં અવધારણ કરાયેલા અતિચારને ગુરુપાસે આલોવવા અર્થે વંદન કરે છે. પII ભાવાર્થ :
સાધુ “યણાસણની ગાથા દ્વારા અને શ્રાવક અતિચારની આઠ ગાથા દ્વારા અતિચારોનું આલોચન કર્યા પછી “લોગસ્સ સૂત્ર” બોલે છે. ત્યાર પછી બેસીને મુહપત્તિનું પડિલેહણ કરે છે. વળી, મુહપત્તિના પડિલેહણ અર્થે બેસતાં સામાયિકની શુદ્ધિમાં ભંગ ન થાય તે માટે સંડાસાનું પડિલેહણ કરીને બેસે છે=બેસતી વખતે શરીરના જે જે ભાગો પૂંજવામાં ન આવે તો જીવહિંસા થવાનો સંભવ રહે તે તે સ્થાનોનું શાસ્ત્રીય વિધિ અનુસાર પડિલેહણ કરીને બેસે છે અને બેસીને પ્રથમ મુહપત્તિનું પડિલેહણ કરે છે. ત્યારપછી મુહપત્તિથી શરીરનું પડિલેહણ કરે છે. જેથી દેહ ઉપર કોઈક સૂક્ષ્મ જંતુ રહેલ હોય તો તેની પણ રક્ષા થાય. તે પડિલેહણ કર્યા પછી કાઉસ્સગ્નમાં જે અતિચારોનું અવધારણ કરેલ તે અતિચારોની ગુરુ સાક્ષીએ આલોચના કરવા અર્થે ગુરુને વંદન કરે છે, કેમ કે વંદનપૂર્વક આલોચના કરવાથી વિનયપૂર્વકની આલોચનાની પ્રવૃત્તિ થાય છે. પિતા
