Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી વિમલનાથજી , 460
- પ્રત્યક્ષ સદ્ગુરુ પ્રાપ્તિનો, ગણે પરમ ઉપકાર;
ત્રણે યોગ એકત્વથી વર્તે આજ્ઞાધાર. આત્મચિંતનને યોગ્ય, ઉપયોગની શુદ્ધિ અને સૂક્ષ્મતાને માટે દર્શનમોહનો ક્ષય કે ક્ષયોપશમ અનિવાર્ય છે, જે ભક્તિયોગ વડે સહેલાઈથી પ્રાપ્ત થાય છે. ચિત્તશુદ્ધિ માટે તો ભક્તિયોગનો માર્ગ જ, જ્ઞાનયોગીને માટે પણ આદરણીય થઈ પડે છે.
આત્મજ્ઞાની બનેલા સહુએ, ગદ્ગદ્ હૈયે, પરમાત્માના અત્યંત ભક્તિભાવપૂર્વક ગુણગાન ગાયા છે. જગચિંતામણીના રચયિતા પરમવિનયી ગૌતમગણધર ભગવંતથી લઈ, યોગીરાજ આનંદઘનજી, શ્રીમદ્ દેવચંદ્રજી, મહામહોપાધ્યાય યશોવિજયજી, ઉપાધ્યાય ઉદયરત્નજી, ઉપાધ્યાય વીરવજિયજી, પદ્મવિજયજી, જિનવિજયજી, જ્ઞાનવિમલસૂરિજી, વિનયવિજયજી અને વર્તમાનમાં નજીકના ભૂતકાળમાં થઈ ગયેલા બુદ્ધિસાગરસૂરીશ્વરજી અને આત્મારામજી સુધીના બધાંય જ્ઞાની પુરુષોએ નમ્ર બની ભક્તિભર્યા હૈયે, પરમાત્મા તીર્થકર ભગવંતોના ગુણગાન જ્ઞાનરસાળ શૈલિથી ગાયા છે અને પોતાના આત્માને કૃતકૃત્ય બનાવવા માટે પરમાત્માની આગળ આરઝૂ કરી છે. તે આરઝૂ કેવી હોય, તેની છાંટ પ્રસ્તુત સ્તવનમાં જોવા મળે છે. અનંત ઉપકારીના અસીમ ઉપકારને, સ્તવનમાં વ્યક્ત કરવામાં આવ્યો છે.
શાસન તાહરું અતિ ભલું, જગ નહીં કોઈ તસ સરખું રે, , તેમ તેમ રાગ ઘણો વધે; જેમ જેમ જુગતિશું પરખું રે.
- ગા.૧.ઢાલ ૩ ૧૫૦ ગાથા સ્ત. – મહામહોપાધ્યાયજી જ્ઞાનનું ફળ ભક્તિ, ભક્તિનું ફળ વિરતિ અને વિરતિનું ફળ મુક્તિ જણાવેલ છે.
પુણ્યના માલિક નહિ પણ ટ્રસ્ટી બનવાનું છે. વિશ્વાસ મૂકીને પ્રકૃતિએ પુણ્યશાળી બનાવવા દ્વારા
વિશ્વસ્થ બનાવ્યા છે તેને વફાદાર રહેવાનું છે.
