Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી વિમલનાથજી
474
જવામાં હું મારું આત્મકલ્યાણ જોઉં છું ! અર્થાત્ હવે તો મને તારા જેવા પરમાત્મપદની જ, એકમાત્ર આસક્તિ કહો તો આસક્તિ અને લક્ષ કહો તો લક્ષ છે ! હવે તો પ્રભુ મને તારા જેવી સ્વાધીનતા, સંપૂર્ણતા, નિત્યતા, નિર્મળતા અને સ્થિરતાનો જ ખપ છે. એના સિવાય હું કાંઈ ઈચ્છતો નથી અને કોઈ વસ્તુની માંગણી કે પ્રાર્થના કરતો નથી. વીતરાગ એવા તારી પાસેથી હું તારી વીતરાગતાને જ એકમાત્ર મેળવવા જેવી માનું છું અને એને જ એકમાત્ર હું માંગું છું.'
સુર નર સુખ જે દુઃખ કરી લેખવે, વંછે શિવસુખ એક બીજું લક્ષણ તે અંગીકરે, સાર સંવેગથુ ટેક. સુગુણ નર૦
- ગા.૪૨. સમ્યત્વના ૬૭ બોલની સઝાય સંસારી સુખ મને કારમું લાગે, તુમ વિણ જઈ કહું કેની આગે; એવા “વીરવિજય”ના દુઃખ, જઈ કહેજો ચાંદલિયા.....
- ઉપા. વીરવિજયજી એકવાર પ્રભુના ઘરની સુગંધ હૈયાને સ્પર્શી જાય; તો એ, પળ બે પળની અનુભૂતિ, બાકીના ચોવીસે કલાક છવાયેલી રહે છે. એ ધન્ય પળ આપણા સમગ્ર જીવનને પ્રભુમય બનાવી દે છે.
એકવાર પારમેશ્વરી સત્તા સાથે, અનુસંધાન કરી લેવાની કળા આવડી જાય તો તે માનવીને આખો ને આખો બદલી નાખે છે. અંતરના અજવાળે અજવાળે, આપણે આપણો માર્ગ કાપી લેવાનો છે.
મર્યલોકના માનવી પાસે ચોસઠ કળા કે બોતેર કળા હશે પણ પ્રભુ પાસે તો અનંત કળાઓ છે. એ કળા આપણા જીવનમાં ઉતરતી રહે તે માટે પ્રયાસ કરવાનું યોગીરાજ કહી રહ્યા છે.
નિશ્ચયદષ્ટિ મોહસંગ્રામમાં તાત્ત્વિકબળ પૂરું પાડે છે.
