Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી શાંતિનાથજી
572
અસાર-અશાંત સ્વરૂપ સમજીને તમે હૃદયમાં ઉતારો !
શાંતિમાં અશાંતિનો અને અશાંતિમાં શાંતિનો ભાસ કરાવનાર મન જ છે. મન જ એવું સમજાવે છે કે હે જીવ! શાંતિનો માર્ગ કાંઇ સહેલો નથી પડ્યો. એ તો તલવારની ધાર પર ચાલવા જેવો કે લોખંડના ચણા ચાવવા જેવો દુષ્કર છે. એ માર્ગે આગળ વધવામાં તો વિઘ્નોની વણઝાર આવે છે અને તું તો સુકોમળ કાયાવાળો છે. તારું એમાં કામ નહિ! એના કરતા પુણ્ય ઉપાર્જનનો માર્ગ ગ્રહણ કર! જેમાં સંસારની બધી સગવડતાઓ મળી રહેશે અને ચિત્તમાં શાંતિ પણ અનુભવાશે. આમ ભૌતિક પદાર્થની પ્રાપ્તિમાં સુખનો અનુભવ કરાવી ખુટ્ટલ અને કુટ્ટલ મન તેમાં શાંતિ પણ દેખાડી દે છે. આ શાંતિ નથી પણ શાંતિનો આભાસ છે. ખુટ્ટલ મન જીવની અજ્ઞાનતાનો બરાબર ગેરલાભ ઉઠાવી જીવને ઊંધે રવાડે ભટકાવી મારે છે.
અનાદિ અનંતકાળથી અનંતાનંત આત્માઓ, આ દર્શનમોહ જન્ય ભ્રમણાના પ્રભાવે જ્યાં શાંતિનો લેશ નથી, એવા ભૌતિક પદાર્થોમાં શાંતિ વિનાં રખડી રહ્યા છે અને સાચી શાંતિ તેમજ તેને પ્રાપ્ત કરાવનાર આધ્યાત્મિક સમજથી વંચિત રહ્યા છે. કોઇ ભવ્યાત્માના ભાગ્ય જોર કરતા હોય તેને જ શાંતિનું સાચું સ્વરૂપ સમજાવનાર સદ્ગુરુ મળી જાય છે, તેનો ઉપદેશ સાંભળવા મળે છે અને તેથી તે આત્માનો રાહ પકડી લે છે. સુખ કે શાંતિ ભૌતિક પદાર્થોમાં નથી તેમ ધર્મની સમજણ વિનાની માત્ર કોરી ધર્મ ક્રિયાઓમાં નથી પણ ભીતરમાંથી પ્રગટેલ સાચી સમજમાં છે. આ વાત જીવને જ્યારે સમજાઇ જાય છે ત્યારે તે દરેકે દરેક પરિસ્થિતિમાં સુખી જ રહે છે. પ્રભુ ઉપસર્ગોની વચ્ચે પણ દુઃખી નથી
જ્યાં દૃષ્ટિ છે ત્યાં દૃષ્ટા છે. જે જડરૂપ દૃશ્ય છે તે દૃષ્ટા નથી.
