Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી શાંતિનાથજી
થયેલો જે મોક્ષનો માર્ગ તેમાં મારો આત્મા દાખલ થયો. તેને યાદ કરતાં હે મહાવીર નાથ! આપનો પરમ અચિંત્ય ઉપકાર પણ મને યાદ આવે છે અને તે માટે થઇને સ્વાનુભૂતિની આ પદ રચના કરું છું.
વિ. સં. ૧૯૯૩ના જ્યેઠ વદ છઠ્ઠને દિને બ્રહ્મચારીજીને આત્માનુભવ થયો. તેઓ પોતે ધર્મરાત્રિ નામના કાવ્યમાં નોંધે છે
યાત્રાની અંતિમ રાત્રિએ, જાગ્રતભાવ જણાયો રે, માંગલિક શુભ અધ્યવસાયે, અંધકાર ગમાયો રે.. ધર્મધ્યાન જે શ્રેયરૂપ છે શ્રેષ્ઠ જ્યેષ્ઠમાં સાધ્યું રે છઠ્ઠી રાત્રિ કૃષ્ણપક્ષની બ્રહ્મચર્ય બળ વાધ્યું રે..
628
આજ ઉગ્યો અનુપમ દિન મારો, તત્ત્વ પ્રકાશ વિકાસે રે સદ્ગુરુ સ્વરૂપ અભેદ અંતરે, અતિ-અતિ પ્રગટ પ્રભાસે રે..
અહો અહો હું મુજને કહું, નમો મુજ નમો મુજ રે, અમિત ફલ દાન દાતારની, જેહને ભેટ થઇ તુજ રે.. શાંતિ..૧૩
અર્થ : પ્રભુના શ્રીમુખેથી ઉપદેશ સાંભળવાથી અંતરાત્મદશાને પામેલા યોગીરાજ પોતાને ધન્યાતિધન્ય માને છે અને પ્રભુ તુલ્ય પોતાની પ્રભુતા જણાવાથી અંતરમાં આહ્લાદ લાવીને કહે છે - અહો! અહો! હું મને જ કહું છું કે મને નમો! મને નમો! કારણકે નિશ્ચયનયથી હું પરમાત્મા જ છું Real view point થી જોતાં હું પરમાત્મા જ છું. જેનું માપ ન નીકળી શકે તેવા અમાપ-અમિત દાન આપનાર દાતાનો તને ભેટો થયો છે. તે તારા માટે અપૂર્વ વાત બની છે માટે હે આત્મન્ ! હે શુદ્ધાત્મન્ ! તને નમન હો.
દેહભાવ જાય એટલે સમકિત આવે. દેહભાન જાય એટલે સમ્યગ્યારિત્ર આવે.
દેહ જાય અને દેહાતીત થવાય એ સિદ્ધાવસ્થા-સ્વરૂપાવસ્થા છે.
