Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી મલ્લિનાથજી ,
756
સર્વોપરિતામાં લય પામે છે. માટે જ પ્રભુની પ્રભુતાનો-આઈના આત્યનો પરિચય કરી લેવો જોઈએ, જેથી મુક્તિ સુગમ બને.
પ્રભુ તો નિર્વિકાર છે, નિરાકાર છે, નિરંજન છે એટલે જ તેમાં પ્રીતિ કરવાની છે. પ્રીતિમાંથી નિષ્પન્ન થતી ભક્તિ નિરાકારને આકાર આપે છે. નિરાકારને આપેલો આકાર જ ભક્તને નિર્વિકારી, નિરંજન બનાવે છે. જ્ઞાની એવો ભક્ત ચાલે છે તો જ્ઞાનની આંગળી પકડીને પણ તે જ્ઞાન શુષ્ક ન થઈ જાય, જ્ઞાનમાં અહમ્ ન આવી જાય, ભક્તિનો પાલવ છૂટી ન જાય તેની કાળજી રાખીને ચાલે છે. - તેના હૃદયમાંથી પોકાર ઉઠે છે કે હે પ્રભો! અનાદિથી આજદિ સુધી સાકારરૂપે ભવભ્રમણ કરતાં કરતાં પુદ્ગલને નીરનિરાળા આકાર આપી જીવન જીવતો આવ્યો છું. આકારોની વચ્ચે અને આકારોની સાથે જ એકાકાર બની જીવ્યો છું. આજે હવે હે પ્રભો ! તારી પ્રીતે મારા પ્રાણ બંધાણા છે, તો પછી તું મારી ઉપેક્ષા કરે તે કેમ ચાલે? હું તને છોડીને બીજે ક્યાં જાઉં? હે અશરણ શરણ ! હે ભવોદધિ તારક ! તને મેં ટાંકણા મારી મારીને ઘડ્યો! નિરાકાર એવા તને સાકાર કર્યો હવે તારી સમક્ષ હું છું. ટાંકણા મારી મારીને હવે તું મને ઘડ! મારામાં રહેલ અશુદ્ધિ-દોષોને તું દૂર કર ! આકારમાંથી નિરાકાર બનાવ! મારા સ્વરૂપને હવે તું ઉપસાવ! મને ઘડવા માટે તેને ઘડ્યો છે. તું મને તારા જેવો નિરાકાર બનાવે તે હેતુથી મેં તને સાકાર બનાવ્યો છે! તો હવે હે નાથ ! મારા ઉપર તું કૃપા કર ! મારું ઘડતર કર ! તારામય તું મને બનાવ તો હું મારામય થાઉં ! સાકાર સ્વરૂપવાળા એવા તારી સાથે એકાકાર થવાય તો નિરાકાર થઈ શૂન્યાકાર બનાય અને સર્વાકાર
થવાય.
જ્ઞાનનું ફળ વિરતિ અને વિરતિનું ફળ જ્ઞાન (કેવળજ્ઞાન).
મૂળમાં જ્ઞાન અને ફળમાં જ્ઞાન (કેવળજ્ઞાન).
