Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
789
હૃદય નયન નિહાળે જગધણી
આયુષ્ય જેટલું દીર્ઘ તેટલું જગકલ્યાણ-જનકલ્યાણ વધુ.
હે પ્રભુ! આપે આપના આત્માને સ્વરૂપમાં રમમાણ કર્યો માટે આપ પોતાને અભયદાન આપનારા છો ! તેમ કેવલજ્ઞાન પામી ધર્મ તીર્થ પ્રવર્તાવ્યું, જગતને મોક્ષ માર્ગ સમજાવ્યો, તેથી સર્વ જીવોને પણ અભયદાન આપનારા છો!
વળી આપે લાભાાંતરાય કર્મનું નિવારણ કર્યું ! આખા જગતના વિનોને પણ આપે નિવાર્યા ! લાભાંતરાયને હણીને આપે આપના આત્માને જ અનંતા ક્ષાયિક ગુણોનું દાન કર્યું! ' ' .
અન્યાય અને અનીતિથી વર્તનારને લાભનંતરાય કર્મનો બંધ પડે છે. લાભમાં અંતરાય થાય એ કોઈને ગમે નહિ પણ લાભાંતરાયના ઉદયે. ઢંઢણ અણગાર જેવા મુનિ પુંગવોને પણ ચારિત્ર લીધા પછી છ-છ મહિના સુધી નિર્દોષ ભિક્ષાનો લાભ થયો નથી ! ભવાંતરમાં પશુઓને ચારાપાણીનો અંતરાય કરેલો એટલે એવો લાભાંતરાય – બંધાયો કે જેના ઉદયે દ્વારિકા જેવી નગરીમાં પોતે સંસારીપણે કૃષ્ણ વાસુદેવ જેવાના પુત્ર હોવા છતાં અને નેમિપ્રભુના શિષ્ય હોવા છતાં નિર્દોષ ભિક્ષા લાગલગાટ છ મહિના સુધી મળી નહિ. સામે ઢંઢણ અણગાર પણ એવા ઉચ્ચ મહાત્મા હતા કે ઉદયમાં આવેલા કર્મને સમતાભાવે ભોગવતાં કેવલજ્ઞાન ઉપાર્જન કર્યું. છ છ મહિના સુધી આહાર ન મળવા છતાં મનને જરાપણ બગડવા દીધું નહિ. સમતા અખંડિત રાખી તો અંતે કેવલ્યદશાને વર્યા. .
જ્ઞાની કહે છે કે સંસારમાં આપત્તિઓ તો આવવાની. સંસાર જ આપત્તિઓનો ભંડાર છે પણ જો તેમાં સમતા-સમાધિ ટકાવી રાખવામાં આવે તો થોડા સમયમાં આપત્તિઓનાં વાદળો વિખરાઈ જશે. સંપત્તિનો સૂર્ય ઉગી નીકળશે. કસોટી સોનાની થાય, લોઢાની નહિ. ભલે અગ્નિ
મન સુખી તો બધું સુખરૂપ. મન દુખી તો બધું દુઃખરૂપ.
