Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
797
.હૃદય નયન નિહાળે જગધણી
પ્રભુ અનંતગુણોથી પરિપૂર્ણ છે માટે આપણે ગુણોનું ભાજન બન્યા તે જ તેમનો આપણા ઉપરનો અનુગ્રહ છે. પ્રભુને જે ઈષ્ટ હતું તે આપણને ગમ્યું તે જ પ્રભુની આપણા ઉપરની કરુણા છે. તે જ એમની આપણા ઉપરની મહેર નજર છે. અધ્યાત્મના માર્ગમાં પ્રભુ કર્તા બનીને કે ઇચ્છાવાળા બનીને આપણા ઉપર કાંઈ જ કરતા નથી. તેઓ પોતે કૃતકૃત્ય થયા છે. તેમના સઘળા પ્રયોજનો સિદ્ધ થયા છે. હવે તેમને કાંઈ કરવાનું રહેતું નથી. તેઓ સાદિ-અનંત ભાંગે અનંત સુખમાં લીન બન્યા છે માટે જગતના જીવો કાંઈક આપવા રૂપે બીજા ઉપર ઉપકાર કરે છે, તેવો ઉપકાર અહિંયા નથી. અહિંયા તો પ્રભુની પ્રભુતા ઓળખાઈ ગઈ અને પ્રભુ જેવા બનવાનું મન થયું તે માટે ઉચિત વીર્યનું ફુરણ થવા માંડ્યું એટલે પ્રભુનો અનુગ્રહ સાધક પર થયો એમ કહેવાય. પ્રભુ અનુગ્રહ કરતા નથી પણ યોગ્ય આત્મા ઉપર પ્રભુનો અનુગ્રહ થાય છે. એ તો ધ્રુવતારક બની સાચી દિશા જે ઉત્તર દિશા કે જે બધા સવાલ બધી સમસ્યાના ઉત્તર છે તે તરફ દોરી જાય છે.
પ્રભુપણે પ્રભુ ઓળખી રે, અમલ, વિમલ ગુણ ગેટ સાધ્યદૃષ્ટિ સાધકપણે રે, વંદે ધન્ય નર તે.”
- દેવચંદ્રજી મહારાજ શ્રી અરિહંત દેવ અમલ અર્થાત્ સર્વ કર્મમળથી રહિત છે અને વિમલ – અર્થાત્ મળ વિનાના નિર્મળ ઉજ્જવળ ગુણોના ભંડાર છે. આ પ્રમાણે તેમની પ્રભુતાનું સ્વરૂપ જાણી પોતાની પ્રભુતા પ્રગટાવવા રૂપ સાધ્યને સિદ્ધ કરવા માટે સાધક પ્રભુને વંદન કરે છે, તે ધન્ય છે.
પોતાની ગુણહીનતા અને નિરાધારતાનો વિચાર કરવાથી અરિહંત પ્રભુની પ્રભુતા પ્રત્યે વાસ્તવિક બહુમાન પ્રગટે છે; જેમ કે હે નાથ! હું તો મહામોહાધીન થઈને મિથ્યાત્વ, અવિરતિ, પ્રમાદ, કષાયોની કારમી
પરમાં-પદ્રવ્યમાં સ્વપણું અને સત્યપણું માનવું, એ કર્તાભાવ છે.
