Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી મલ્લિનાથજી
798
પીડા ભોગવી રહ્યો છું. મારી ભૌતિક સુખોની તૃષ્ણા કેમ છીપતી નથી. હે પ્રભુ! આપના વિના મારો ઉદ્ધાર કોણ કરશે ? આપ વિના મારી જીવન-નૈયાને સંસાર સમુદ્રની પેલે પાર કોણ પહોંચાડશે?
આ રીતે અંતરના ઉમળકાથી કરેલી આદર-બહુમાન- પૂર્વકની પ્રભુ સેવા મુક્તિને આપવા સમર્થ બને છે.
“જિમ જિનવર આલંબને, વધે સધે એકતાન હો મિત્તા તિમ તિમ આત્માલંબની, ગ્ર સ્વરૂપ નિદાન હો મિત્ત .”
- દેવચંદ્રજી જિનેશ્વર પરમાત્માના આલંબને સાધકની એકાગ્રતા જેમ જેમ વધતી જાય છે તેમ તેમ પ્રભુ સાથે તન્મયતા સધાય છે અને તેના દ્વારા સાધક સ્વરૂપાવલંબની બનીને સ્વરૂપ પ્રાપ્તિના મૂળ કારણ સમ્યગૂ દર્શનાદિ ગુણોને પ્રાપ્ત કરે છે. છે. પોતાની પ્રભુતાને પ્રગટ કરવા સંપૂર્ણ પ્રભુતામય અરિહંત પરમાત્માનું આલંબન લેવું પડે છે. જડના સંગને છોડીને જેમ જેમ જીવ પ્રભુના ધ્યાનમાં એકાગ્ર બને છે અર્થાત્ પોતાની ક્ષયોપશમભાવની ચેતના જેમ જેમ અરિહંતની શુદ્ધતાના આલંબને સ્વરૂપમાં લીનતા સાધે છે તેમ તેમ પોતાનામાં અનંત જ્ઞાનાદિ ગુણો પ્રગટ થાય છે પછી આત્મા તેમાં જ રમણતા કરતો અનંતકાળ પસાર કરે છે. - ' આ જ દીનબંધુની મહેર નજર છે. ઇશાનુગ્રહથી આવતો સ્વાનુગ્રહ છે. ઉપાસના યોગ સધાતો સાધનાયોગ છે. પ્રભુના આલંબનયોગથી પ્રાપ્ત સ્વાનુગ્રહ જ પ્રભુભક્તને પ્રભુપદ એટલેકે આનંદઘનપદ પમાડવામાં કારણભૂત બને છે. સૌ કોઈ આત્મા દીનબંધુની મહેર નજર પામીને પોતાનું આનંદઘન સ્વરૂપ પ્રગટાવે એ જ એક અભ્યર્થના..
જ છે.
પદ્રવ્યમાં સુખબુદ્ધિ કરવી, એ આપણો ભોક્તાભાવ છે.
