________________
શ્રી અરનાથજી , 750
. આપે પ્રવર્તાવેલ આ ધર્મતીર્થનું જે સેવન કરશે તે નિશ્ચિતપણે શાશ્વત એવું મુક્તિસુખ પ્રાપ્ત કરશે, એમાં કોઈ સંશય જ નથી. મુક્તિને પામેવા અને સંસારની જન્મમરણની પરંપરાની વિટંબણાથી મુક્ત થવા ધર્મતીર્થના સેવન સિવાય બીજો કોઈ ઉપાય નથી. અનંતાનંત આત્માઓ અનંતકાળમાં આ ધર્મતીર્થના સેવનથી જ મુક્તિને વર્યા છે. ત્રણેકાળમાં અત્યંતર રત્નત્રયીથી જ મોક્ષ મળે. તે અત્યંતર રત્નત્રયીને જ્ઞાનની પર્યાયમાં પ્રગટાવવાની છે. તે માટે વ્યવહાર રત્નત્રયીનો આદર કરવાનો છે. સંયમના કષ્ટો કરતાં નરકના દુઃખો અનંતગુણા છે. વિષયોના સુખો કરતાં મોક્ષના સુખ અનંતગુણા છે. કોઈ હારતોરા પહેરાવે તો કહેવું કે કેવલજ્ઞાન થાય પછી હારતોરા પહેરાવજો હમણા નહિ! હાર પહેરતા સૂમ માન કષાય અડી જાય તો ય આત્માને સંસારમાં રખડવું પડે છે. અનંતકાળથી કાર્પણ વર્ગણાનો કોથળો અને તેજસ શરીરની સગડી લઈને ચૌદ રાજલોક ફર્યા છીએ. તેનાથી છુટવા ધર્મતીર્થનું સેવન એ જ એક માત્ર ઉપાય છે તેના વિના મુક્તિ મળે તેમ નથી. | * કોઈ પણ દેશ્ય પદાર્થ સાથે અલ્પ કે અધિક રાગાદિભાવે
ઉપયોગનું જોડાણ-ઉપયોગનું ચોંટવું તે વિકલ્પ છે. તેનાથી રહિત દશા 'તે નિર્વિકલ્પદશા છે અને તે આત્માનું શુદ્ધસ્વરૂપ છે. અંતર્મુખી સાધના કરવા દ્વારા આત્માએ વિકલ્પમાંથી નિર્વિકલ્પદશાને વરવાનું છે. કેવલજ્ઞાન એ પરમાર્થથી નિર્વિકલ્પ છે. પરમાર્થથી શુદ્ધોપયોગ છે. ધર્મતીર્થનુ સેવન આવા ઉપયોગને પામવા માટે છે. કારણકે પૂર્ણ શુદ્ધ ઉપયોગમાં પૂર્ણ આનંદ છે અને તે હંમેશનો છે-સ્થાયી છે. અરનાથ ભગવાનના પરમ ધર્મને પામીને આત્માના પરમ આત્મધર્મ સ્વરૂપ પરમાત્મત્વને સહુ કોઈ પામે એ અભ્યર્થના !
સૃષ્ટિ એવી સૃષ્ટિ એ સંસાર છે-જગત છે.
