Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
681
, હૃદય નયન નિહાળે જગધણી
સાધનોનો લોપ કરવાનું મન થાય અને તે પણ પાછું ધર્મના નામે !! આ જેવું તેવું અજ્ઞાન નથી !! જેવું તેવું પાપ નથી !! જેવું તેવું મિથ્યાત્વ નથી ! આ મહા મહા અજ્ઞાન છે !! મહા પાપ છે ! મહા મિથ્યાત્વ છે !!! એક તો જીવો પોતાના અનાદિકાલીન અજ્ઞાનનો ભોગ બનીને અનંતકાળથી સંસારમાં ભટકી રહ્યા છે અને વળી હવે તમે તેમને તારક આલંબનો હિંસાના નામે કે અધર્મના નામે છોડાવો તો આ મધદરિયે સંસાર સાગરમાં ડૂબતા એવા જીવોને કોણ બચાવશે?! કોણ ઉગારશે? કોણ તારશે શા આ ખરેખર સાધુતા નથી, ગુરુતા નથી પણ સાધુતા અને ગુરુતાનો દ્રોહ છે. આ નિર્લ્ડવાણું છે. આ ઉત્સુત્ર પ્રરૂપણા છે. આ માર્ગ ભંજકતા છે. આનાથી મન ક્યારેય વશ થાય નહિ એવા ઘોર પાપો જ બંધાય.
આ જૈન શાસનની સામે ખેડાયેલુ બહારવટિયાપણું છે, જેને શાસનની સામે ઉભું થયેલ નક્ષલવાદીપણું છે, આતંકવાદીપણું છે. આજે આતંકવાદીઓ સર્વત્ર ફેલાયેલા છે. ધર્મના ક્ષેત્રમાંથી પણ ધર્મ અને ધર્મીઓ આતંકવાદીપણાથી બચી શક્યા નથી. આ કલિકાલની દુર્ભાગ્યપૂર્ણ કાલીમા છે.
પ્રભુશાસનના એક એક અંગો વિશ્વમાત્રનું હિત કરનાર છે. જ્ઞાનીઓએ આખો જે વિધિમાર્ગ બતાવ્યો છે જેમાં પ્રભુપૂજા, ગુરુવંદન, સત્કાર, સન્માન, સાધર્મિક વાત્સલ્ય, સાધર્મિક ભક્તિ, જિનવાણી શ્રવણ, સુપાત્ર દાન, મહાવ્રતો, અણુવ્રતો, ગુણવ્રતો, શિક્ષાવ્રતો, દાન, શીલ, તપ, ભાવ, ભાવના યોગ, પ્રતિક્રમણ, તીર્થયાત્રા, નિશ્ચયવ્યવહાર, ઉત્સર્ગ-અપવાદ એ નીચે રહેલા જીવોને ઉપર ચઢવા માટેના આલંબનો છે. સંસારરૂપી કૂવામાં પડેલા જીવોને માટે તે દોરડા સમાન
જ્ઞાન જોઈતું હશે તો જ્ઞાનના આઘારૂપ આત્મા પાસે જવું પડશે. '
જ્ઞાન એ આત્માનો તરૂપ અભેદગુણ છે.
