Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
713
હૃદય નયન નિહાળે જગધણી
વૈભવ પ્રગટ થાય છે, જેમાંથી આપણે થોડો પણ પ્રસાદ (એટલે પ્રકૃષ્ટ સાદ, આંતરનાદ) ગ્રહણ કરીએ અને આપણા શુદ્ધાત્મના રસમાં ભેળવી દઈએ તો “દર્શન-જ્ઞાન-ચરણ થકી, શક્તિ નિજાતમ ધાર રે” એ યોગીરાજ આનંદઘનજીની ભાવનાને સાર્થક કરી કહેવાય.
જ્યાં ચેતન ત્યાં અનંત ગુણ કેવળી એમ બોલે... પ્રગટ અનુભવ આત્મનો નિર્મળ કરો સપ્રેમ... ચૈતન્ય પ્રભુ! પ્રભુતા તમારી ચૈતન્ય ધામમાં...
૪૭ શક્તિમાંથી એક વીર્યશક્તિ છે. તે બ્રહ્મસ્વરૂપ આત્માનાં આનંદમાં ચરે છે-સ્વરૂપમાં નિમગ્ન રહે છે અને શક્તિથી વ્યાપક છે; તેથી તે બ્રહ્મચારી છે. આકાશમાં જેમ ક્ષેત્ર સામર્થ્ય-અવગાહન શક્તિ અનંતઅમાપ છે તેમ ભગવાન આત્મામાં ભાવ સામર્થ્ય એટલે જ્ઞાન-આનંદ વગેરેની શક્તિ અમાપ છે. આકાશ સર્વવ્યાપક છે તો આત્મા સર્વપ્રકાશક છે. આ જગતમાં આત્મા એક એવું તત્ત્વ છે, જેને જાણતા આનંદ થાય છે. પ્રભુની પ્રભુતાના ભાન વડે પર્યાયમાં પ્રભુતા પ્રગટે છે.
જ્ઞાનમાં જ્ઞાનની સ્વતંત્ર પ્રભુતા છે દર્શનમાં દર્શનની સ્વતંત્ર પ્રભુતા છે. શ્રદ્ધામાં શ્રદ્ધાની સ્વતંત્ર પ્રભુતા છે. આનંદમાં આનંદની સ્વતંત્ર પ્રભુતા છે. અને આત્મામાં અનંતગુણની સ્વતંત્ર પ્રભુતા છે. અનંતગુણના અનંત પ્રતાપથી સ્વાધીનપણે શોભતા એવા આત્માને
જગતના સ્વરૂપનો જ્ઞાનાધાર અને સંસારી જીવોનો વિકાસાવાર પરમાત્મા છે.
