Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી કુંથુનાથજી
છે. જેનો આધાર લઈને આજ સુધી અનંતા તર્યા છે અને અનંતા તરશે માટે તેનો અપલાપ કરાય નહિ. પ્રભુ શાસનમાં જીવો કક્ષાભેદે અનેક પ્રકારના છે, તેથી કયા જીવને કયું આલંબન ક્યારે ઉપકારક બની આગળ લઈ જશે એ કહેવાય નહિ. માટે એક પણ આલંબનનો અપલાપ કરવો એ પ્રભુશાસનના અંગનો અપલાપ છે અને અંગનો અપલાપ એ અંગીના અપલાપમાં પરિણમે છે. એ ન્યાયે એ પ્રભુ શાસનનો અપલાપ છે. માટે મૂર્તિનો અપલાપ, મૂર્તિપૂજાનો અપલાપ, દયા-દાનનો અપલાપ કે આગમોનો અપલાપ કે પંચાંગીનો અપલાપ કે તીર્થ યાત્રાનો અપલાપ એ અંતે તો પ્રભુ શાસનનો જ અપલાપ છે. કૂવામાં પડેલા આત્માને બહાર નીકળવા માટે દોરડુ એ આલંબન છે. જેના આધારે બહાર નીકળવા પ્રયત્ન કરતા જીવોના હાથમાંનું દોરડુ કાપી નાંખવામાં આવે તો તે કેવું કહેવાય ? તેને શેની ઉપમા અપાય? તેમ તરવાના આલંબનોનો જે અપલાપ કરે, ખંડન કરે તેને શું કહેવાય? અને તે પણ સજ્જનના વેશમાં રહી કરે ત્યારે તેને માટે શું કરાય? જ્ઞાની કહે છે કે તમારાથી બીજા આત્માઓ નહિ તરે તો ચાલશે પણ તમાંરા નિમિત્તે, તમારી ભૂલે, તમારા અજ્ઞાન-અવિવેકના કારણે એક પણ આત્મા ડૂબશે તો તે નહિ ચાલે. કુદરતની સૃષ્ટિમાં એ અક્ષમ્ય અપરાધ ગણાશે. કોઈ પણ વ્યક્તિનું અહિત કરવાનો હક કોઇને પણ ક્યારે પણ આપવામાં આવતો નથી. તમે જીવો અને બીજાને જીવવા ઘો! તમે સુખી થાવ અને બીજાને સુખી રહેવા દ્યો. તમે તરો અને બીજાને તરવામાં નિમિત્ત બનો! આવી સંગીન વ્યવસ્થા અનાદિ અનંતકાળથી ચાલી આવેલી છે. તેમાં આપણે આપણો સૂર પુરાવવાનો છે અને વિશ્વના એ મહાસંગીતને તાલબદ્ધ-લયબદ્ધ કરતા રહેવાનું છે, સંતતિયોગ ચાલુ રાખવાનો છે. એ માટે થઈને જ પ્રભુનું તિન્નાણું
કાળ એટલે પુદ્ગલદ્રવ્યમાં થતો સંયોગ-વિયોગ, ઉત્પાદ-વ્યય, ગતિ-સ્થિતિ; પરિવર્તનતા અને પરિભ્રમણતા.
682
