Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી કુંથુનાથજી
પછી શુભમાં ન અટકતા શુદ્ધ તરફ આગળ વધી સ્વરૂપમાં સમાઇ જાવ!’’ આ પ્રભુએ બતાવેલ અખંડ અને સળંગ મોક્ષમાર્ગ છે. પ્રતિકૃતિ, પ્રતીક અને પ્રતિનિધિથી તો આપણો રોજબરોજનો વ્યવહાર ચાલે છે. જો વ્યવહારમાં એનો નિષેધ નથી કરતાં તો અધ્યાત્મ ક્ષેત્રે એનો નિષેધ કેવી રીતે કરી શકાય ? કોઈ પણ વસ્તુનુ ખંડન કરતાં પહેલા લાખલાખ વિચાર કરવા જોઈએ અને જરા પણ પદાર્થમાં સંશય રહે તો ખંડન ન કરતાં મૌન રહેવું જોઈએ.
680
આચારગ્રંથોને ન માનતા, તેને ન સ્વીકારતા તેઓ અધ્યાત્મના ક્રમિક વિકાસ માર્ગને ઉત્થાપે છે. આચારને ન પકડીએ તો પણ ન જ ચાલે. પકડ્યા પછી પરિણતિનું લક્ષ્ય ના રાખીએ તો પણ ન જ ચાલે અને પરિણતિનું લક્ષ્ય રાખવા છતાં પ્રમાદી બનીને જીવીએ અને સ્વરૂપ તરફ આગળ ન વધીએ તો પણ ન જ ચાલે.
આટલેથી જ નહિ અટકતા જૈન શાસનના એક ફિરકાએ તો દયા અને દાન જેવા પાયાના ધર્મોને ઉડાડીને માનવતાની કબર ખોદી નાખી છે અને વીતરાગ શાસનના વીતરાગ માર્ગની અને વીતરાગ વિજ્ઞાનની ભારેમાં ભારે ઠેકડી ઉડાડી છે. એ ખ્યાલમાં હોવું જરૂરી છે કે કોઇ પણ ધર્મે દયા અને દાનનો નિષેધ કર્યો નથી. જે આ કરે છે તે ખરેખર વીતરાગ ધર્મની બહાર છે અને પોતાને જૈન કહેવડાવવાને લાયક પણ નથી. વીતરાગ ધર્મના અનુયાયી તરીકે ઓળખાવવું અને દયા-દાનનો નિષેધ કરવો એ કોઇ રીતે બને તેમ નથી. જે પોતાને વીતરાગધર્મના અનુયાયી કહેવડાવતા નથી તે પણ જો દયા-દાનનો વિરોધ ન કરતા હોય તો પછી એમનાથી કેવી રીતે થઈ શકે ? હૈયુ કેટલું બધું ધીઠુ અને કઠોર બને ત્યારે આવા અનેકને તારનારા તારક
અંદરમાં દૃષ્ટિ ખોટી છે અને બહારમાં આવરણ છે, એજ જીવને માયા છે.
