Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
631
હૃદય નયન નિહાળે જગધણી
હર્ષોલ્લાસથી કરતાં એવી દઢ પ્રતીતિ થઈ કે, મોક્ષના પ્રબળ નિમિત્ત, કારણરૂપ જિનદર્શન અને જિનસેવાનો યોગ મળ્યો છે, તેથી મોક્ષરૂપ કાર્યની સિદ્ધિ અવશ્ય થશે. આવી દઢ પ્રતીતિ થવા સાથે મારો ભવભ્રમણનો ભય પણ પલાયન થઈ ગયો. ભવ ભ્રમણની ભીડ મેટી એ કારણે કાર્યોપચારી વચન છે. જો પ્રભુની પ્રભુતા ઈષ્ટ લાગે છે તો તે આત્મા સિદ્ધતા ને વરશે.
ખંભાતમાં બિરાજમાન સુખસાગર પાર્શ્વપ્રભુના દર્શન-વંદન કરતાં રોમરાજી વિકસ્વર થઈ. અપૂર્વ હર્ષ અને ઉત્સાહની ઊર્મિઓ ઉત્પન્ન થવા લાગી અને ધ્યાન દ્વારા પ્રભુ સાથે તન્મયતા થતાં આત્મરણિતા પ્રાપ્ત થઈ તેથી અનુમાન થાય છે કે સિદ્ધિની સાથકતા મારા આત્મામાં પ્રગટી છે.
ઉપાધ્યાય યશોવિજયજી મહારાજાનાં પણ ઉદ્ગારો આવા છે – તૂક્યો તૂક્યો રે સાહિબ જગનો તૂક્યો રે
- શ્રી શ્રીપાલનો રાસ રચતા, અનુભવ અમૃતરસ વૂક્યો રે. મારે તો ગુરુચરણ પસાથે અનુભવ દિલમાંહી પેઠો રે
ઋદ્ધિ વૃદ્ધિ સવિ ઘટમાં પ્રગટી આતમરતિ હુઈ બેઠો રે.. પાસમાં વૃદ્ધિનું કારણ જેમ ગોયમનો અંગુઠો રે
શ્રુતમાંહે તિમ અનુભવ જાણો, અનુભવ વિણ જાય છેઠો રે.. ઉપાધ્યાય માનવિજયજી મહારાજા પણ લખે છે – પ્રભુની મહેરે તે રસ ચાખ્યો, અંતરંગ સુખ પામ્યો માનવિજય વાચક ઈમ જંપે, હુઓ મુજ મન કામ્યો.
પ્રભુની કૃપાથી અનુભવ રસ મેં ચાખ્યો છે તેથી હું આત્મિક સુખ પામ્યો છું એટલે મારી મનોકામના સિદ્ધ થઈ છે.
વિજ્ઞાનનો હેતુ બાહ્યસમૃદ્ધિ વધારવાનો છે તો ઘર્મનો હેતુ આંતરિક સમૃદ્ધિ વધારવાનો છે.
