Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
585
હૃદય નયન નિહાળે જગધણી
અજ્ઞાની જીવોને સંસાર જંજાળ નથી લાગતો એટલે એમને શાંતિપદની જિજ્ઞાસા જ જાગતી નથી માટે આવી જેને જિજ્ઞાસા પણ જાગે તેને બીજી કડીમાં ધન્યવાદ આપીને આત્માને આત્મજ્ઞાનના માર્ગે આગળ વધવા પ્રોત્સાહિત કરી રહ્યા છે.
જે ક્રિયાથી કષાયો કપાય અને સમતા સધાય તે ક્રિયાને જ્ઞાનીઓ સંવર ક્રિયા કહે છે. જ્ઞાન અને ધ્યાનરૂપ અંતરંગભાવોને સાધવાવાળી તે ભલી ક્રિયા છે. આવી ભલી ક્રિયા કરનારને પછીથી કોઈ અનિષ્ટ યોગો છેતરી શકતા નથી.
જમડાએ બીછાવેલી મૃત્યુની જાળમાંથી ભલભલા ભડવીરો પણ બચી શક્યા નથી. સંસાર એ તમય છે અને તેથી કંદમય છે, ઈન્દ્રજાળ છે, મોહરાજાની મોહિની છે. રાજા-મહારાજા-ચક્રવર્તીઓ અને દેવોને પણ તે મોહિની મોહ પમાડી રહી છે. તેમાંથી કોઈક વિરલ આત્માઓ જ મુક્તિનો માર્ગ શોધીને મુક્ત દશાને વર્યા છે.
શાંતિપદના સાધક આત્માઓ કેવા હોય તે હવે છઠ્ઠી ગાથામાં બતાવી રહ્યા છે.
ફળ વિસંવાદ જેહમાં નહિ, શબ્દ તે અર્થ સંબંધી રે; સકળ નયવાદ વ્યાપી રહ્યો, તે શિવ સાધન સંધિ રે.. શાંતિ..૬
અર્થ શાંતિ પદના સાધક આત્માઓ જેના ફળમાં વિસંવાદ હોય તેવી કોઈ પણ ક્રિયા કરતા નથી તેમજ તેમના સઘળા વચન પ્રયોગો સમ્ય અર્થનો બોધ કરાવે તેવા હોય છે. તેમની વાણીમાં નયવાદ વ્યાપેલો હોય છે એટલે એમની બધી ક્રિયાઓ મોક્ષના સાધનભૂત સમ્યગ્રજ્ઞાન-દર્શનચારિત્રની જે પરિણતિ, તેની સાથે અનુસંધાન કરાવનારી સુસંગત હોય છે.
ક્રમભાવ એનું નામ જ કાળ !
