Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી શાંતિનાથજી
0I
અને તેથી ઉત્સાહ ભંગ થાય તો પછી ત્યાં સંપ્રદાયી વિશેષણની સાર્થકતા ન રહે. માટે તેઓ તેવા નથી હોતા અર્થાત્ સંપ્રદાયી વિશેષણને સાર્થક કરનારા હોય છે. - સંપ્રદાયમાં રહેવા છતાં તેમાં તેઓ રાગભાવથી કે મમત્વભાવથી નથી રહેતા. અમારો સંપ્રદાય સાચો – અમે સાચા-સારા. અમે જે કરીએ છીએ તે જ બરાબર છે, બીજા કરે છે તે બરાબર નથી; ઈત્યાદિ બોલવા દ્વારા તેઓ પોતાના સંપ્રદાયનો ઉત્કર્ષ અને બીજાના સંપ્રદાયનો અપકર્ષ કરનારા હોતા નથી પરંતુ નિરંતર નિજસ્વભાવની પ્રતીતિમાં જ વર્તતા હોય છે. પોતાની પાસે આવનારાઓને એકમાત્ર વિશુદ્ધ મોક્ષમાર્ગ જ બતાવનારા હોય છે. અર્થ કે કામનો ઉપદેશ આપનારા નથી હોતા તેમજ પોતાની પાસે જે કોઈ આવે તેના દ્વારા પોતાના અંગત સ્વાર્થ સાધવો, પોતાના કામો કરાવવા કે સામા પાસેથી પૈસા કઢાવવા દ્વારા પોતે નક્કી કરેલા કાર્યો વગેરેને કરાવનારા ન હોવાથી તે અવંચક વિશેષણને સાર્થક કરનારા છે. પોતાના દ્વારા પોતાનો આત્મા પણ ઠગાઈ ન જાય તેની પળે પળ સાવધાની રાખનારા અવંચક છે.
" (શુચિ અનુભવ ધાર રે) સમ્યગદર્શન પ્રગટ થવાથી આત્માની અનુભૂતિ લક્ષ્ય કે પ્રતીતિ વર્તવાને કારણે અનુભવ જ્ઞાનદશા જેમને લાધી છે તેવા હોય છે અને તેનો આધાર પકડીને તેઓ પવિત્રતાના પંથે આગળ વધનાર અને આશ્રિતોને પણ એ માર્ગે આગળ વધારનારા હોય છે. * ચિત્તની નિર્મળતા અને સ્વરૂપનું લક્ષ્ય તીવ્ર થતાં આત્માનુભવની દિશા ખૂલતી જાય છે. આત્માની અનુભૂતિ થતાં પહેલાં કે પછી પણ ચિત્તની નિર્મળતા અને આશયશુદ્ધિના કારણે ઘણી બધી લબ્ધિઓ પ્રગટ થાય છે છતાં પણ તે બધી લબ્ધિઓથી ન ઠગાતા તે તેના પુરુષાર્થને જ
પૂર્ણજ્ઞાન-શુદ્ધજ્ઞાન-કેવળજ્ઞાનનું સહજકાર્ય તે જ યથાખ્યાત યાત્ર્યિ!
