Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી ધર્મનાથજી
534
રૂપ નથી, હું તો તેનાથી તદ્દન જુદો ચૈતન્યમય-અરૂપી-ત્રિકાળ શુદ્ધ-ધ્રુવ એવો પરમાત્મા છું; એવો નિશ્ચય નિર્ણય થાય છે. જ્ઞાની પુરુષના વચનના બળે અત્યાર સુધીની, દેહમાં અહં કરવા સ્વરૂપ મિથ્યા માન્યતારોંગ બિલીફ નાશ પામે છે અને પોતાના ચૈતન્યમય પરમાત્મસ્વરૂપમાં જ અહં કરવા સ્વરૂપ સમ્યગૂ માન્યતા-રાઈટ બિલીફ-અસ્થિમજ્જા બને છે. આ શ્રદ્ધા અસ્થિમજ્જા બને અને પોતાની ગેરહાજરીમાં પણ તે સમ્યમ્ માન્યતા ટકી રહે તે માટે જ્ઞાની પુરુષ શુદ્ધાત્મતત્ત્વની પુષ્ટિ કારક સૂત્રોનો પ્રઘોષ પણ તેની નાભિમાંથી વારંવાર કરાવે છે તેમજ કેટલીક આજ્ઞાઓનું પ્રદાન પણ કરે છે. જેના પાલનથી જીવ સમ્યગ્દષ્ટિવાળો બને છે અને તેનાથી આગળ જતાં જીવ ગ્રંથિભેદ કરી સમ્યગ્દર્શનાદિ, ઉપર ઉપરના ગુણસ્થાનકોની સ્પર્શના પામે છે.
આ માર્ગ કૃપાસાધ્ય એટલા માટે છે કે તેમાં યોગની છઠ્ઠી દૃષ્ટિ કે સાતમી દષ્ટિને પામેલા આત્મજ્ઞાની પુરુષના અંતઃકરણમાં વર્તતી. પરમવિશુદ્ધિ, એ જ લાયક જીવને ઉત્થાનનું પ્રબળ કારણ બને છે કે જે અશુભમાંથી શુભમાં આવી, ત્યાં ન રોકાતા તરત જ જીવ શુદ્ધતાને સ્પર્શ છે. એટલે જાણે કે બધું તરત જ થઈ જાય છે. મરુદેવામાતાને પણ રૂષભદેવ પ્રભુના દર્શને તેમજ સમવસરણની ઋદ્ધિના દર્શને-દેવદુંદુભિના શ્રવણે પહેલા ગુણઠાણામાંથી ચોદમાં ગુણઠાણા સુધીની પ્રક્રિયા શીવ્ર બનવા પામી હતી.
તે જ રીતે સ્વયંવરની રચનામાં યોગ્ય વરને વિરતા પહેલાં માંગલિકરૂપે એકહજાર સખીઓ સાથે સુવ્રતા સાધ્વીજીને વંદન કરવા જતાં તેમનો ઉપદેશ સાંભળતા રાજકુંવરી પ્રભૂજનાને પણ ત્યાંજ ક્ષપકશ્રેણી મંડાઈ જતાં કેવલ્યજ્ઞાનની પ્રાપ્તિ ગૃહસ્થવેશમાં જ થઈ હતી.
પરમાત્મ તત્ત્વનું જ્ઞાન ભલે દેવી પામી શકે પરંતુ તેઓ સ્વયં પરમાત્મા બની શકતા નથી,
જ્યારે મનુષ્ય પરમાત્મ તત્ત્વનું જ્ઞાન પામીને સ્વયં પરમાત્મા બની શકે છે.
