Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી અનંતનાથજી
520
આપતા કવિરાજશ્રી આનંદઘનજી મહારાજા ફરમાવે છે... - વીતરાગ અને સર્વજ્ઞ થયા પછી, તીર્થકર નામકર્મનો વિપાકોદય થતાં, પ્રભુ ધર્મતીર્થની સ્થાપના કરે છે. તેના ચાહક અને વાહક ગણધરાદિ ગુરુ ભગવંતો છે. તેમના વચન ઉપર વિશ્વાસ મૂકીને, જે કોઈ ભવ્ય નરવીરો, સંપ્રદાય અને ગચ્છથી પર થઈને, સમ્યમ્ દર્શન-જ્ઞાન-ચારિત્રનું પાલન કરવા સ્વરૂપ, જિનચરણ સેવાનું, તલવારની ધાર ઉપર ચાલવાથી અદકેરું પરાક્રમ કરી દાખવશે; તે ચોક્કસ, આનંદના ઘન સ્વરૂપ, સુરાજને એટલે કે શિવસુખને પામશે.
એ નિત્ય, શાશ્વત શિવસુખ પામવા પૂર્વે, તથાભવ્યતાનુસારે જેટલો કાળ સંસારમાં રહેવાનું બનશે, તેટલો કાળ પણ મનુષ્યલોકના અને દેવલોકના દિવ્ય સુખને પામનારો થશે. છતાં પણ તે તેમાં લેપાશે નહિ અને તે દેવ-મનુષ્ય ગતિમાં પણ પ્રાપ્ત સુખમાં નિર્લેપ રહીને, સ્વરૂપસુખના લક્ષ્ય આત્મસુખને જ માણનારો થશે. ' હા એટલું જરૂર લક્ષમાં રાખજો કે, એ જ નરવીર-ધર્મવીર, આવા દિવ્ય સુખનો અને અંતે પરમસુખ-પરમાનંદનો સ્વામી થશે, કે જે, વીતરાગ પ્રરૂપિત અને નિગ્રંથ, જ્ઞાની, ગીતાર્થ ગુરૂના ઉપદેશને, ચિત્તમાં ધારણા કરવાપૂર્વક, નિત્ય તેનું પાલન કરશે અર્થાત્ પ્રતિસમય નિર્વિકારી પરિણમન કરશે. અનંતની યાત્રાએ નિર્ગમન કરી રહેલાં, આપણા સહુની, આ આનંદઘન ગીતા સ્વરૂપ, અનંતનાથ, જિનેશ્વરદેવની સ્તવના, અનંતાનુબંધી કષાયની ચોકડીને તોડી, સમ્યગ્દર્શનને લાવનારી, કેવળદર્શનને પ્રગટાવનારી અને અનંત આત્મચતુષ્કને પમાડનારી નીવડો ! એ જ એક અભ્યર્થના !
શુક્લધ્યાન એટલે સિરાતિગમનભાવમાં (મુક્તાત્મભાવમાં) વિયરતું.
