Hriday Nayan Nihale Jagdhani Part 02

Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh

Page 139

શ્રી અનંતનાથજી
516
સવા રૂપિયો તથા નારિયેળ આપીને, ગોળધાણા ખાઈ, કન્યાની સગાઈ કરવા જેવું છે. સગાઈ થતાં જ કન્યા પિતા-પિયરની મટી, જઈ પતિ અને પતિના ઘરની થઈ જાય છે. એ જ રીતે જડનો મટી, જીવ ચેતન અને ચૈતન્યતાનો થઈ જાય છે, તે સગાઈ-connection છે. અને પછી સમુળગો જડનો મટી જઈને, ચૈતન્યમય થઈ જાય છે તે લગ્ન-Unification- ઐક્ય-સાયુજ્ય છે. ન થવાનું જે જોડાણ થયું છે, તે જોડાણથી જુદા થઈને, જ્યાં જે જોડાણ થવું જોઈએ, ત્યાં તે જોડાણ થાય નહિ, ત્યાં સુધી મેળાપ થાય નહિ અને અભેદ થવાય નહિ.
No Right connection is possible, without disconnection of wrong. And without Right connection, Unification with Right is not possible.
સમ્યકત્વ એ જોડાણ Connection છે. વિરતિથી વીતરાગતા સુધી સંબંધ-Relation છે. સર્વજ્ઞતા પછી સાયુજ્ય Unification છે.
આ મિથ્યાત્વની જે અવળાઈ છે, તેને સમ્યક્તની સવળાઈમાં પલટાવવા માટેના આશયથી જ, મુહપત્તિના ૫૦ બોલ સહિત મુહપત્તિ પડિલહેણમાં મુહપત્તિને ઉલટી કરીને “મિથ્યાત્વ-શલ્ય પરિહરું?”નો બોલ બોલવામાં આવે છે. પૂર્વ ઋષિપુરુષોએ ખૂબ સુંદર આચારનું આયોજન કર્યું છે.
પાપ નહીં કોઈ ઉસૂત્ર ભાષણ જિમ્યો, ધર્મ નહીં કોઈ જગસૂત્ર સરિખો; સૂત્ર અનુસાર જે ભવિક કિરિયા કરે, તેનું શુદ્ધ ચારિત્ર પરીખો. ધાર૦૬
પાઠાંતરે “સરિખોના સ્થાને “સરિષો” અને “પરીખો’ના સ્થાને પરિષ” એટલો ઉલ્લેખનીય પાઠફરક છે.
સાપને પણ દરમાં પેસતા સીઘા થૈવું પડે છે તેમ જીવે મોક્ષે-સ્વઘામમાં જવું હશે તો સીધા-સરળ થવું જોઈએ. નિર્વાણ થતાં મુક્તાત્મા સમશ્રેણિએ ઉર્ધ્વગતિથી સિદ્ધશિલાએ પરમપદે રિત થાય છે.