Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
497
હૃદય નયન નિહાળે જગધણી
' સ્વાનુભૂતિ સંપન્નશ્રી ખીમજીબાપા જણાવે છે કે મોહને હણવા સંયમરૂપી ગજવેલની બનાવેલી સુવર્ણથી જડિત રત્નત્રયીરૂપ તલવારશમશેર મળી છે. એને ઉઘાડી રાખી, કાટ નહિ લાગવા દેવો જોઈએ. એના ચળકાટ ને તીક્ષ્ણતાને ખંડિત નહિ થવા દેવી જોઇએ. મ્યાનમાં ગુપ્ત રાખવી, કે જેથી એ એની શત્રુહનન-મોહહનનની શક્તિ ગુમાવી નહિ દે! જેમ તલવારને મ્યાનમાં ગુપ્ત રાખીને, એની પાણીદાર ધાર સુરક્ષિત રાખીને શત્રુહનનમાં એનો ઉપયોગ કરવાનો છે; તેમ મન-વચનકાયાને ગુપ્તિથી અને સમિતિથી ધારદાર રાખીને જાતનું રક્ષણ કરવાનું છે. સાથે સાથે આત્માના વિરોધી એવા, મોહરૂપી શત્રુનું હનન કરીને અરિહન્ત બનવાનું છે. ટૂંકમાં આશ્રવના નિરોધરૂપ સંવરપૂર્વક નિર્જરા કરવાની છે.
જિન તણી આ ચરણસેવા, નારકીના જીવોને શક્ય નથી કેમકે, તેઓ અપરાધની સજા ભોગવી રહ્યાં છે. બંદીખાને ઘલાયેલાં તેઓ પરાધીન કેદી છે. તિર્યંચના જીવો, લાચાર અને અવિવેકી હોવા સાથે શ્રુતજ્ઞાનથી વંચિત છે. એ તિર્યંચોને બોલવાની કે અવાજ કાઢવાની શક્તિ છે પણ, વિચારવાની શક્તિ નથી. ' ,
સમકિતી દેવો જિનચરણ સેવાના રસિયા છે, તેમને તો એની નિરંતર ઝંખના હોય છે. નારકીના જીવોને જેમ પાપકર્મ નિકાચિત છે અને પાપની સજામાંથી છૂટકારો નથી, તેમ દેવોને પુણ્યકર્મ નિકાચિત છે તેથી પુણ્યકર્મના ભોગવટામાંથી તેઓ છૂટી શકતા નથી. મૂળ શરીર મૂળ સ્થાને રાખી, ઉત્તર શરીરે વિચરણ હોવાથી અને ઇચ્છિતની તત્કાલ પૂર્તિના દેવપુણ્ય કરીને, વૈક્રિય શરીરવાળા દેવોને, જિનચરણ સેવનાની ધાર ઉપર ચાલવું શક્ય નથી. આ દેવો પારાવાર સુખી છે. જ્યારે નારકો પારાવાર દુઃખી છે. બેમાંથી કોઈ વિરક્ત થતું નથી. જિનચરણ સેના એટલે
આપણે જે જાણીએ છીએ તે કશું જ નથી, આપણે જે જાણતા નથી તે અસીમ છે. શરીર આવ્યું ય નથી અને જવાનું ય નથી. આવ્યો છે, આત્મા અને જવાનું છે આત્માએ.
