Book Title: Upadhyay Yashovijayji Swadhyay Granth
Author(s): Pradyumnavijay, Jayant Kothari, Kantilal B Shah
Publisher: Mahavir Jain Vidyalay
View full book text
________________
“જ્ઞાનસારનાં અષ્ટકોઃ વાટના દીવડા [ ૮૯
પરિચય. બાકી તો આ આધ્યાત્મિક કૃતિનાં ઘણાં અષ્ટકોમાં તત્ત્વજ્ઞાનના ઘણા મુદ્દાઓની ચર્ચાને અવકાશ મળે તેવા વિષયો રજૂ થયા છે. અહીં તો આ કૃતિનો પ્રારંભિક સમગ્ર પરિચય આપવાનો જ પ્રયાસ કર્યો છે.
છતાં આ પ્રારંભિક પરિચયને આધારે પણ આપણે એટલું તો ચોક્કસ કહી શકીએ કે પોતાના ધર્મના ઉચ્ચ ચિંતનના પરિપાકરૂપ વિચારોને લૌકિક દૃષ્ટાંતોની મદદથી સામાન્ય માણસ સુધી પહોંચાડવાનો પ્રયત્ન ઉપાધ્યાયજી મહારાજે સફળ રીતે કર્યો છે.
* -
यत्र रोधः कषायाणां, ब्रह्मध्यानं जिनस्य च ।
ज्ञातव्यं तत् तपः शुद्धं, अवशिष्टं तु लंघनम् ॥ જે તપમાં કષાયોનો રોધ બ્રહ્મચર્યનું પાલન અને વીતરાગ દેવનું ધ્યાન થતું હોય, તે જ શુદ્ધ તપ જાણવું અને બાકીનું સર્વ તો લંઘન.
ઉપાધ્યાયયશોવિજય (શ્રી યશોવિજય સ્મૃતિ ગ્રંથ)
