________________
પ્રકરણ ૬ ઠું :
: રાજાની તપાસ
રાજા પોતાના પ્રદેશમાં ગામડાંઓની અને પ્રજાની પરિસ્થિતિ જાણવા ગયા હતા. લગભગ દસ પંદર ગામડાંઓમાં ફરીને તે નાંદુરીમાં પાછો ફર્યો હતે.
જે ચાર વેપારીઓ દેદા શાહ અંગેની વાત મહારાજાને કરવા માગતા હતા, તે વેપારીઓને પણ મહારાજના આગમનના સમાચાર મળી ગયા હતા પણ આજ ને આજ મળવા જવું ઉચિત ન જણાતાં બીજે દિવસે સવારે સૂર્યોદય પછી તેઓ રાજભવનમાં પહોંચ્યા કારણ કે રાજ સૂર્યોદય પછી મુલાકાતીઓ સાથે વાતચીત કરતો હતો
હજી રાજાએ પ્રાતઃ કાર્ય આટોપ્યું નહોતું એટલે ચારેય વેપારીએને રાજભવનના મુખ્ય વ્યવસ્થાપકે આદર સહિત બેઠક ખંડમાં બેસાડયાં. આમ તે નિત્ય નિયમ પ્રમાણે રાજા એ સમયે મુલાકાતીઓને મળતું જ હતું. પરંતુ પ્રવાસનાં શ્રમના કારણે અને દસબાર દિવસના વિયાગ પછીના મિલનની મસ્તીનાં કારણે તે છેક મધરાતે નિદ્રાધીન થઈ શક્યો હતો.
શિરામણ આદિ પતાવીને રાજા બેઠક ખંડમાં આવ્યો ત્યારે દિવસના પ્રથમ પ્રહરની ચાર ઘટિકાઓ વીતી ગઈ હતી. અને વેપારીઓ પણ રાહ જોતા બેસી રહ્યા હતા. રાજાને બેઠકખંડમાં પ્રવેશ કરતો જોતા જ ચારેય વેપારીઓ વિનયપૂર્વક ઊભા થઈ ગયા અને સહુએ મસ્તક નમાવી રાજાને જયનાદ પોકાયે.
Jain Education International
For Private & Personal Use Only
www.jainelibrary.org
