________________
કવિ સંમેલન !
૧૬૦ અસત્ય પણ નથી. ભગવાન શંકર સમા પણ પ્રતાપી અને કાળને થંભાવનારા તેજસ્વી પુરુષ શ્રેષ્ઠ પણ ભીલડી સમક્ષ પરાજિત થયા હતા. જેના તપને પ્રભાવ ઈન્દ્રના સિંહાસનને ઉખેડવા માટે તત્પર થયો હતો, તે મહાન રાજર્ષિ વિશ્વામિત્રની અજોડ શકિતને મેનકાએ રૂંધી નાખી હતી. મહાસતી દ્રૌપદીના તેજ આગળ કૌરવો યુદ્ધના મેદાનમાં પામર–પંગુ બની ગયા હતા. મહાદેવી સીતાજી રાવણ જેવા રાક્ષસરાજના અનેક ઉપાયો ને આકર્ષ સામે અણનમ રહ્યાં હતાં. આપણે ઈતિહાસમાં આવા સેંકડો કિસ્સાઓ છે અને
સ્ત્રી પોતાની બુદ્ધિ વૈભવથી પિતાના સમર્પણ ભાવથી અને પિતાની આત્મશક્તિથી મોટે ભાગે હંમેશાં અપરાજિત રહી છે. જ્યારે કવિવર રસિક ભાટે ગાયેલી પ્રશસ્તિમાં તો એક જ વ્યક્તિ પૂરતો સવાલ છે. પરંતુ રાજમાર્ગ નથી. રાજમાર્ગ તો મેં કહ્યો તે જ છે. નારી કદી પરાજિત થઈ નથી, થશે પણ નહિ.”
સહુએ હર્ષપૂર્વક આ વિચારને વધાવી લીધે.
કવિવર રસિક ભાટ ઊભો થયો અને સભાપતિની આજ્ઞા પ્રાપ્ત કરીને સહુને નમન કરી બોલ્યો : “આ ચર્ચામાં હું માત્ર એટલું જ કહેવાનું છું કે શ્રી નાગિની દેવી સાચાં છે, પરંતુ રૂપ અને યૌવનને પ્યાસી પુરુષોની નજરે! દેદા શાહ માત્ર દાની નથી પણ ભવ્ય પુરુષ છે. વૈભવ વસાવી શકાય એવી સંપત્તિ હોવા છતાં તે સાવ સાદાઈથી રહે છે. તેઓ જે સ્થિતિમાં અહીં રહેતા હતા. તે સ્થિતિમાં જે આવા પુરુષ પર કેઈ નારી વિજય પ્રાપ્ત કરી શકે તો હું મુકતા હૃદયે નારી અપરાજિત છે તે સત્યનો સ્વીકાર કરું.”
પ્રેક્ષકેએ હર્ષવનિ કર્યો.
પરંતુ કવિવરે મારે એક ચાબુક નાગિનીના હૈયાને સમસમાવી ગયો. તેણે પણ મનમાં કંઈક નિર્ણય કર્યો.
પ્રાતઃકાળ થવા આવ્યો હતો એટલે સભાપતિએ ટુંકમાં સમારોપ કરીને કવિ સંમેલન સમાપ્ત થયેલું જાહેર કર્યું.
Jain Education International
For Private & Personal Use Only
www.jainelibrary.org
