Book Title: Gujaratno Rajkiya ane Sanskritik Itihas Part 07 Maratha Kal
Author(s): Rasiklal C Parikh, Hariprasad G Shastri
Publisher: B J Adhyayan Sanshodhan Vidyabhavan
View full book text
________________
દ જે ]
પેશવા બાલાજી બાજીરાવને અમલ
[ ૭૭,
સનદ ભગવાનને આપવવાનો આદેશ કર્યો. સંતજીએ એ આદેશ અનુસાર, હાથી ભગવાનને સોંપી દીધો.
આ વખતે સયાજીરાવ પેશકશ ઉઘરાવવા ધોળકા તરફ રવાના થયો (તા. ૨૪, જાન્યુ. ૧૭૬૦).પર દામાજીરાવે મોકલેલ પેશકાર હરબારામ પણ એની સાથે જોડાયો.૫૩ મેનિખાને લીધેલી પેશવાની મુલાકાત
પુણે ગયેલા મોમિનખાનનું પેશવા બાલાજી બાજીરાવે ઉમળકાભેર સ્વાગત કર્યું. એને ઉમદા ઉતારો આપ્યો. પેશવા પોતાના ઉચ્ચ સરદારને લઈને મોમિનખાનને ઉતારે મળવા ગયે. મોમિનખાને પણ તેઓનું સ્વાગત કરી કીમતી કાપડ, રત્નજડિત આભૂષણો, ઘોડા વગેરેની ભેટની પેશવા, રઘુનાથરાવ, સદાશિવ રાવ સમશેર બહાદુર અને વિશ્વાસરાવને નવાજેશ કરી તેઓને પ્રસન્ન કર્યા. એ બે માસ રેકાઈ જળમાર્ગે મુંબઈ થઈ સુરત આવી પહોંચ્યો (૧૩ મી જાન્યુઆરી, ૧૭૬૦).૫૪ ત્યાંથી એ સ્થળમાર્ગે ખંભાત પહોંચ્યો.૫૫ ગાયકવાડી મુલગીરી
ગાયકવાડને શહેર નાયબ ચુંબક મુકુંદ નિમાયો હતો. એ અમદાવાદ આવી પહોંચ્યો (તા. ૨૦ મી ફેબ્રુઆરી ૧૯૬૦) અને પિતાની વહીવટી કામગીરી બજાવવા લાગ્યો. ગાયકવાડના હિસે આવેલા કડી તથા અન્ય મહાલની જમાબંદી કરવા અને મહેસૂલ વસૂલ કરવા ખંડેરાવ ફરતો હતો. ત્યાંથી એ સરખેજ થઈ ધોળકા ગયો. ત્યાંથી બહિયલ (તા. દહેગામ) તાબાના દહેગામના કેળીઓએ બંડ કર્યું હોવાથી એ ત્યાં ગયો. ગાયકવાડના હિસ્સાની પેશકશ ઉઘરાવવા સેરઠ ગયેલ સયાજીરાવ ત્યાંનું કામ પતાવી ગોહિલવાડ ગયો. ત્યાં તળાજાને ઘેરી એના ઠાકોર પાસે દંડ પેટે એક લાખ રૂપિયા લેવાનું નક્કી કરી એ માટે સદ્ધર જામીન લીધો. આ વખતે એની તબિયત લથડતાં એ અમદાવાદ આવ્યો. તેથી બાકીની જમાબંદી કરવાનું અને પેશકશ ઉઘરાવવાનું કામ કરવા શિકાર હરબારામ લશ્કર લઈ રવાના થયો.પછી વાડાશિનેર મુક્ત કરાવવાનું નિષ્ફળ કાવતરું
વાડાશિનેરમાં મરાઠાઓની કરી બજાવતા સુલતાન હબશી તથા મુહમ્મદ જહાંને તેઓએ પોતાના માલિકને કરેલા દગાથી લકે ધિક્કારતા હતા. વળી કિલ્લો અપાવવા માટે તેઓને મરાઠાઓ પાસેથી મળેલા ત્રીસ હજારમાંથી પરત નક્કી
