________________
તો નાના ફડનવીસ હોવી જોઈએ, કાં કુંવરસિંહ કે કાં તાત્યા હોવી જોઈએ. એથી અંગ્રેજોના હિતમાં આ બાવાની ધરપકડ થઈ જ જવી જોઇએ.
કર્નલનાં મનમાં ઘૂંટાતી આ વાત અનુમાન દ્વારા જાણી લઇને કર્નલના પ્રતિભાવની પ્રતીક્ષા કર્યા વિના જ બાપુએ બીજો ધડાકો કર્યો કે, કર્નલ ! કલ્પનાના ઘોડા દોડાવવામાં તમે થાપ ખાઈ રહ્યા છો, નાના ફડનવીસ તો જ્યાં છે, ત્યાં સહીસલામત છે. તાત્યા તમારા પાપે મરાઈ ગયા છે. કુંવરસિંહની ક્રૂર કતલ તો તમારા લશ્કરે જ કરી નાખી છે. બળવો લડનારો યૂ.પી.નો એ એક સૈનિક આજે સંન્યાસી તરીકે તમારી સામે જ ખડો છે. પરંતુ તમે મારો એકાદ વાળ પણ વાંકો વાળી શકો એમ છો ખરા?
ભારતીય યોગીઓ-સંન્યાસીઓ અંગેની ઘણી વાતો કર્નલે સાંભળીવાંચી હતી અને ત્યારે એને હંબગ માનીને હસી કાઢેલી. એ તમામ વાતો જાણે સચ્ચાઈનો સાક્ષાત્કાર કરાવતી કર્નલના કાળજે ભોંકાય એવો સણસણતો સવાલ કરી રહી હતી કે, એ બધું જો હંબગ હતું, તો આ હકીકત અંગે તમારો શો જવાબ છે ? બોલો કર્નલ સાહેબ !
જામ વિભા, કર્નલ લેક અને વજીર આ ત્રણેની સમક્ષ ગોદડિયા બાપુ આજે જાણે સાચા સ્વરૂપમાં પ્રગટ થયા હતા. એ સત્ય-સ્વરૂપની સામે અક્ષર પણ ઉચ્ચારવાની હિંમત ખોઈ બેસનારા એ ત્રણે તરફથી કોઈ જવાબ મેળવવાની અપેક્ષા જ બાપુએ ક્યાં રાખી હતીએમની નિરુત્તર મુખમુદ્રા ભૂલી જઇને બાપુ પોતાની પ્રવૃત્તિમાં પાછા ખોવાઈ
ગયા.
આ ઘટના બન્યા બાદ ખૂબ ખૂબ પ્રભાવિત બનેલા જામ વિભાએ જાંબુડા ખાતેના એ આશ્રમને વિકસાવવા માટે રાજ્ય તરફથી ઘણો ખર્ચ કર્યો હતો, એનો ગોદડિયા બાપુને ખ્યાલ હતો, છતાં જામ વિભાની
સંસ્કૃતિની રસધાર ભાગ-૩ +
