________________
આંખ સામે જ સરજાયેલું આ દૃશ્ય હતું, છતાં દિલ એવો એકરાર કરવા તૈયાર થતું ન હતું કે, સંતના હૈયામાં છલબલી રહેલો પ્રેમપ્રવાહ આ રીતે વાઘના ખૂનમાં ખળભળી રહેલા ખુન્નસની ભડભડતી આગને બુઝાવી શકે.
વાઘ ગરીબ ગાય બનીને ચાલ્યો જતાં જ એન્ડરસનની આંખોમાંથી આનંદ અને અહોભાવની આંસુધાર વહી નીકળી. વિકરાળ વાઘને ગરીબ ગાયમાં પલોટી નાખનારા સંત સમક્ષ આથીય વધુ આશ્ચર્યકારી હૈયા-પલટનો એકરાર કરતાં એન્ડરસને એટલું કહીને વિદાય લીધી કે, આજથી મારે હવે શિકાર બંધ અને માંસાહાર પણ બંધ !
સત્ અને સંતનું સામર્થ્ય દર્શાવતી પ્રસ્તુત ઘટનાને જ મળતી એક અજબ ઘટના કર્નલ ક્રોવટીના જીવનમાં પણ બની હતી. સંતના દઢસુદૃઢ પ્રણિધાનનો પરચો અને પ્રભાવ આ ઘટનામાં ઘૂમરાઈ રહેલો જણાય, તો જરાય નવાઈ નહિ. અંગ્રેજી રાજ્યના એ દિવસોમાં કર્નલ ક્રોવટી ઘણી વાર ભારત આવતા, ત્યારે સૈનિકોને લક્ષ્ય-વીંધવા માટેની ખાસ તાલીમ આપતા. એમની પાસે અનુભવનો ભરપૂર ખજાનો હોવાથી સૈનિકો હોંશે હોંશે તાલીમકેન્દ્રમાં જોડાતા અને થોડા વખતમાં જ એવા લક્ષ્યવેધી બની જતા કે, જેથી એ સૈનિક ઉપરાંત કર્નલનું નામ પણ પ્રતિષ્ઠા પાત્ર બની જતું.
એક વાર આવા તાલીમ-કેન્દ્રમાં સેંકડો સૈનિકો ઊભરાતા મોટું મેદાન તાલીમ માટે પસંદ કરાયું. એ મેદાનમાં ખૂણે ખાંચરે કોઇનું રહેઠાણ ન હોય, એ સુરક્ષાની દૃષ્ટિએ અગત્યનું હોવાથી આવી તપાસ જરૂરી જણાતાં સૈનિકો મેદાનમાં તપાસ માટે ફરી વળ્યા. આસપાસની ઝાડીથી જે વૃક્ષનું થડ જોઈ શકાતું ન હતું. એ થડની પાસે પહોંચતાં જ સૈનિકોની નજર એક સંત પર પડી. ધ્યાનસ્થ દશામાં ઊભેલા એ સંતને વિનંતી કરતાં સૈનિકોએ કહ્યું કે, સબ ભૂમિ ગોપાલ કી ગણાય, એમ સંસ્કૃતિની રસધાર ભાગ-૩
૩૨
