________________
કોહિનૂર પ્રકાશનો પર્વત કે અંધારનો ઓથાર?
સંસારના અસલી અને આખરી હૂબહૂ સ્વરૂપના આમૂલચૂલ જ્ઞાતા જ્ઞાનીઓએ “અર્થમનર્થ ભાવય નિત્ય” જેવા ઉપદેશ દ્વારા અર્થ-પૈસાને જ તમામ અનર્થોના મૂળ કારણ તરીકે ઉદ્યોષિત કર્યો છે. આ ઉદ્દઘોષણા કેટલી સચોટ અને સાચી છે, એની પ્રત્યક્ષ પ્રતીતિ કરાવતી “કોહિનૂરની કલંક કહાણી” આચાર્ય શ્રી મુનિચન્દ્રસૂરિજી દ્વારા પ્રસંગ સરિતામાં આલેખાઈ છે, એની વિગતો જાણીએ, તો ખ્યાલ આવી જવા પામે છે, પૈસાએ કેવાં કેવા પાપ કરાવીને અનર્થની વણથંભી વણઝારમાં વધારો કરતા રહેવાનો જ વિપાક વેંઢાય છે ! એમાં વર્ણિત માહિતીને કેન્દ્રમાં રાખીને અર્થની અનર્થકારકતાને જાણવા-સમજવાનો પ્રયાસ કરીશું, તો આપણા સૌનાં દિલદિમાગમાં બદ્ધમૂલ બની ગયેલી “અર્થ લોલુપતાના પાયા ધણધણી ઊડ્યા વિના નહિ જ રહે. આ હેતુની સિદ્ધિ માટે લખાતી નીચેની વિગતોને વાચકો આ જ હેતુની સિદ્ધિ માટે વાચવાનો પ્રયત્ન કરશે, તો અર્થ-રાગ કદાચ મૂળથી નહિ ઉખડે, પણ એનાં મૂળિયાં તો જરૂર હચમચી ઊઠ્યા વિના નહિ જ રહે.
જેની ચમકદમક અને શાન-શૌકતની વાતો સાંભળીને ભલભલાની આંખો અને અંતર અંજાતાં જ રહ્યાં, એવા અને ઘણા સમય બાદ કોહિનૂર'નું નામ પામનારા એક “હીરો”નો ઉદ્ગમ દક્ષિણ ભારતની સંસ્કૃતિની રસધાર ભાગ-૩
-- ૪૯
