________________
અખાએ જેના ઘડતરમાં કળા ઠલવી હતી, દિલ ઠાલવ્યું હતું, એટલું જ નહિ, ઘરના રૂપિયા પણ ઠાલવ્યા હતા, એ કંઠીને હાથમાં લઈને જમના ખુશખુશાલ બની ગઈ. એને થયું કે, ખરેખર આવા ભાઈરૂપે મને અખાનો ભેટો થયો, એ મારું અહોભાગ્ય ગણાય.
માનવીનું મન તો વિચિત્રતાના મેળા સમું ગણાય, એમાં વળી સોની અને દરજી તો થોડું પણ ચોર્યા વિના જ ન રહે, આવી કહેવત યાદ આવી જતાં જમનાને થયું કે, ચારસોની મારી મૂડી ઉપરાંત આ કંઠીના ઘડતરમાં જરૂર થોડા વધુ પૈસા જ લાગ્યા હશે, એમ જણાય છે. છતાં બીજા કોઈ સોની પાસે આની પરીક્ષા તો મારે કરાવી જ લેવી જોઈએ. જેથી એવી પાકી ખાતરી થવા પામે કે, મેં યોગ્ય વ્યક્તિ પર વિશ્વાસ મૂક્યો છે.
જમનાએ સારા ગણાતા એક સોની પાસે જઈને એ કંઠીનો ભાવ જાણવાનો પ્રયત્ન કર્યો અને સુવર્ણની સચ્ચાઈ અંગે પૂછપરછ કરી, ત્યારે સોની દ્વારા જાણવા મળ્યું કે, આ સો ટચનું સોનું છે. વળી આ કંઠીના ઘડરતમાં ૪૦૦ કરતાં વધુ રૂપિયા તો થયા જ હશે ? સોનાની સચ્ચાઈ પરખવા સોની માટે કંઠી પર થોડો કાપો મૂકવો અનિવાર્ય હતો, એથી કંઠી પર કાપો મૂકતા તો મુકાઈ ગયો, પણ એ કાપો પાછો સરખો કરવાની કળા સોની પાસે ન હતી. એથી સોનીએ જમનાબહેનને કહ્યું કે, આ કાપાના કારણે જ સોનાની સચ્ચાઈ સાબિત થઈ શકી છે, એ પણ એટલું જ સાચું છે. આ કાપાને મિટાવી દઈને કંઠીને પાછી એવી ને એવી જ કમનીય બનાવવા તો તમારે એ સોની પાસે જ જવું પડશે, જે સોનીએ આ કંઠીનું ઘડતર કર્યું હોય!
સોનીની આ વાત સાંભળીને જમનાને અખા પર અનેરો અહોભાવ અને વધુ વિશ્વાસ જાગી ઊઠ્યો. એ તો સાવ સરળ-સહજ ભાવે અખા સમક્ષ પહોંચી ગઈ. એણે સત્યને જરાય છુપાવ્યા વિના બધી જ વાત ખુલ્લી કરી દીધા પછી કહ્યું કે, ભાઈ ! મને તમારી પર થોડો અવિશ્વાસ સંસ્કૃતિની રસધાર ભાગ-૩ -
-૦૬ ૧૦૩
