________________
આસપાસના પ્રદેશમાં ચર્ચાતી જ રહી. એમને લાગુ પડેલો શિકાર શોખ પ્રજા માટે એટલો આશ્ચર્યકારી નહોતો નીવડ્યો, જેટલો કસાઈ મટીને સાંઈમાં થઈ જવા પામેલ આ પુણ્યપલટો બની જવા પામ્યો.
ક્યારેક સો ટકા સંભવિત જણાતું એકાએક જ અસંભવિત બની જતું હોય છે અને સાવ જ અસંભવિત ભાસતું સંભવિતમાં ફેરવાઈ જતું હોય છે. મહંત દ્વારા જે દુઆ-આશીર્વાદ રસુલખાનજીને મળ્યા હતા, એ મુજબ જૂનાગઢની રાજગાદી પર એમનો રાજ્યાભિષેક થાય, એ શક્ય જ જણાતું નહોતું. છતાં થોડાંક જ વર્ષો બાદ પરિસ્થિતિએ એવો પલટો લીધો કે, સાંઈ તરીકેનો પલટો પામનારા રસુલખાનજીને સાંઈ મટીને જૂનાગઢના સ્વામી બનવાનો વારો આવ્યો.
બન્યું એવું કે જૂનાગઢના રાજવી મહોબતખાનજી થોડાં વર્ષો બાદ સ્વર્ગવાસી બની જતાં એદલખાનજી માટે રાજ્યાભિષિક્ત બનવાની તક ઊભી થઈ જવા પામી. પણ વજીર તથા દીવાનને આ ઈષ્ટ ન હતું. કેમ કે ભાવિની દૃષ્ટિએ રસૂલખાનજી જ જૂનાગઢની ગાદીએ અભિષિક્ત થાય, એ એમને વધુ હિતકર જણાતું હતું, એથી એદલખાનજીને અંધારામાં રાખીને એમણે એ જાતના પ્રયત્નો શરૂ કર્યા છે, જેથી રસુલખાનજી જ સત્તાવાર તરીકે રાજયાભિષિક્ત બની શકે. આ માટે સૌ પ્રથમ તો તેઓ મારતે ઘોડે રાજકોટ પહોંચ્યા. અને અંગ્રેજી કોઠી સમક્ષ બધી પરિસ્થિતિ વિગતવાર રજૂ કર્યા બાદ એવો રૂક્કો લખાવી લાવવામાં સફળ બન્યા કે, જે રૂક્કાના આધારે રસૂલખાનજી જ જૂનાગઢની ગાદીએ અભિષિક્ત બની શકે !
આ જાતનો સત્તાવાર રૂક્કો મેળવીને રાજકોટથી વજીર તથા દીવાન સીધા જ જૂનાગઢ આવીને જમાલવાડીમાં પહોંચી ગયા. સાંઈ રસુલખાનજીને ખાનગીમાં મળીને જૂનાગઢની બધી પરિસ્થિતિ વિગતવાર જણાવ્યા બાદ અંતે એમણે એટલી જ વિનંતી કરી કે, હવે આપે
--+ સંસ્કૃતિની રસધાર ભાગ-૩
