________________
એમના કાળજે આશ્ચર્ય-અહોભાવ જગવી ગયો, સાથે સાથે સંતની આસપાસનું અવલોકન કરવા એમણે દૂરબીન દ્વારા બધું જોતા રહેવાનો નિર્ણય કર્યો.
કર્નલનો હુકમ થતાં જ તાલીમની શરૂઆત થઈ ગઈ. લક્ષ્યવેધની તાલીમ હોવાથી બંદૂકોમાંથી ધડાધડ કરતી ગોળીઓની ઝડી ઝીંકાવા માંડી. કર્નલની નજર દૂરબીન પરથી દૂર થતી ન હતી. સંત ક્યાંક સિતમનો ભોગ ન બની જાય, એની જ એમને ચિંતા હતી. પણ દૂરબીનમાં જાણે કોઈ ચમત્કાર જોવા મળતો હતો. કોઈ પણ દિશામાંથી ધડાધડ કરતી આવતી ગોળી, એ વૃક્ષની નજીક આવતાં પૂર્વે જ વળાંક લઈ લેતી હતી અને એકાદ પાંદડાનેય ખેરવ્યા-વધ્યા વિના એ આગળ વધી જતી હતી. સત્ અને સંતની સમર્થતા એટલી જોરદાર હતી કે, ધડાધડ છૂટતી બંદૂકની ગોળીઓને એ વૃક્ષ સમક્ષ વળાંક લેવા વિવશ બનવું જ પડતું, એથી સંતનો વાળ પણ વાંકો ન વળી શકતો !
દૂરબીને દર્શાવેલા આ ચમત્કારથી ચકચાર અનુભવતા કર્નલ અને કેટલાક સૈનિકો તાલીમ પૂરી થતા જ એ સંત સમક્ષ દોડી ગયા. અચરજભર્યા પ્રશ્નોની ઝડી વરસતાં સંતે એટલો જ જવાબ વાળ્યો: “મેં નહોતું કહ્યું કે, મને મારી સાધના કરવા દેશો. હું હેમખેમ રહીશ. બંદૂકની ગોળીને તમે ભલે બળવાન માનો, પણ ભારતમાં તો આ રીતે સત્ અને સાધના જ વધુ બળવાન સાબિત થતી હોય છે.”
૩૪
–
–+ સંસ્કૃતિની રસધાર ભાગ-૩
