________________
આશ્રમમાં આવવા અંગે બાપુનો હકાર સાંભળીને જામનગરમાં હર્ષનું તો જૂનાગઢમાં શોકનું મોજું ફરી વળ્યું, ગોદડિયા બાપુ જ્યારે જાંબુડામાં પ્રવેશ્યા, ત્યારે હર્ષનું એ મોજું પૂનમની ભરતીમાં પલટાઈ ગયું.
ઇતિહાસ નોંધે છે કે, થોડાં વર્ષો બાદ ગોદડિયા બાપુએ જીવતેજીવ સમાધિ લેવાનો નિર્ણય કરીને આ સમાચાર જામ વિભાને પણ પહોંચાડ્યા, પણ રાજકાજમાં ગળાડૂબ જામ વિભાને સૂચિત સમયે આવવામાં મોડું થતાં એમની રાહ જોયા વિના જ બાપુએ હજારો ભક્તોની હાજરી વચ્ચે સમાધિ લઈ લીધી. એમ કહેવાય-સંભળાય છે કે, જાંબુડામાં આજેય ગોદડ બાપુનું સમાધિમંદિર હયાત છે અને સાધુ-સંત-સંન્યાસીનાં જીવનમાં કેવી સાત્વિકતા-સચ્ચાઈ અને પવિત્રતા હોવી જોઈએ, એનો સંદેશ એ મંદિરના શિખરે રણકતી ઘૂઘરીઓ અહોનિશ સંભળાવતી જ રહે છે.
૧૨
–
-- સંસ્કૃતિની રસધાર ભાગ-૩
